قالت الفنانة عارفة عبد الرسول إنها فوجئت برد الفعل العنيف بعد قيامها بنشر صورة لها بملابس السباحة (المايوه)، أثناء رحلة قامت بها إلى العين السخنة.
وأضافت في تصريحات تلفزيونية: “أنا إسكندرانية وإتعودنا ننزل البحر في الصيف، ولو عدى صيف من غير ما أنزل البحر ممكن يجيلي اكتئاب”.
وتابعت: “كنت فرحانة ونزلت الصورة بمنتهى السعادة، ومكانش باين فيها غير كتفي، لقيت اللي يقول إتلمي يا ولية يا عجوزة، مش مكسوفة على دمك وإنت لابسة بكيني، مع إن مفيش بكيني في الصورة”.
أوضحت عارفة عبد الرسول أنها تعودت مع أسرتها على ارتداء المايوه قائلة: “أنا من جيل لما كان المايوه يصغر علينا أبويا يجيب لنا مايوهات أكبر، وكنا نضحك على أي حد ينزل البحر بجلابية أو قميص وبنطلون”.
وتابعت: “وأنا صغيرة كنت ممكن ألبس بكيني، ولما كبرت بقيت ألبس مايوه قطعة واحدة، وحاليا عندي مايوه شورت شبه البيبي دول، وأراعي جسمي وسني، وممكن ألبس بوركيني”.
يذكر أن عارفة عبد الرسول تشارك في الموسم الرمضاني 2023 من خلال مسلسل “بابا المجال”.
ومسلسل “بابا المجال” بطولة مصطفى شعبان، باسم سمرة، نسرين أمين، سوسن بدر، جومانا مراد، رياض الخولي، سماء إبراهيم، محمود حافظ، أحمد كشك، محمد رضوان، عارفة عبد الرسول، هبه حسن، فرح يوسف.