كشف المنتج عصام إمام، شقيق الزعيم عادل إمام، كواليس فيلم الزعيم القادم، “الواد وابوه”، المقرر بدأ تصويره خلال الفترة المقبلة.
وقال “إمام” خلال مداخلته الهاتفية، مع الإعلامي خيري رمضان، والإعلامية كريمة ببرنامج “حديث القاهرة”، المذاع عبر فضائية القاهرة والناس: “عندنا مواضيع كثيرة بتقرأها لسه واكتر حاجة حبناها الواد وابوه ده بطولة عادل امام والابن محمد والمخرج رامي والمنتج عصام امام موضوع حلو ولذيذ جدا وان شاء الله هنقدم فيلم للاسرة المصرية وللوطن العربي لذيذ وهيبقى فيلم حلو وبيتكلم عن الواد وابوه يعني الاب بيتعامل ازاي دلوقتي والابن بيتكلم ازاي طريقة الحوار ازاي”.
واستطرد: “مفيش موعد محدد يعني ممكن في نص السنة او في العيد الكبير لسه مش محددين منتظرين فقط ان الموضوع يكتمل من جميع الجوانب بتاعته وهنزله على طول بس انا حاسس اننا هنقدم حاجة كويسة جدا”.
كيف يتسقبل الزعيم عادل إمام شائعات وفاته؟
من جانبه، أعرب المنتج عصام إمام، شقيق الفنان عادل إمام، عن استيائه الشديد من الشائعات المتلاحقة عن وفاة ومرض الزعيم، مشيرًا إلى تأثير هذه الشائعات على نفسيه احفاده.
وقال المنتج “إمام” في مداخلة هاتفية ببرنامج “حديث القاهرة”، الذي يقدمه الإعلامي خيري رمضان والإعلامية كريمة: “الحقيقة يعني انا مش عارف اقول ايه في مداخلات كتير بتجيلي ومش عارف اي السبب وراء هذه الشائعات الكثيرة ومنتشرة وبدأ من وقت طويل عايز اعرف لية كده وكانت البداية من الساحل يعني قالوا ان عادل امام ساب البيت وراح الساحل قاعد وقافل على نفسه اوضة ومبيعملش حاجة طب ماهو لو قافل على نفسه اوضة يقفلها هنا عديناها وقولت خلاص ماشي مش مشكلة انما بالطريقة الغير طبيعية ديه مينفعش انا بس اللي مهون عليا حب الناس انا جالي تليفونات كثيرة جدا من دول خارجية من استراليا وامريكا”.
وأردف حديثه عن الزعيم عادل إمام، قائلًا: “هو متابع مرة واتتين وتلاتة وفي مرة احفاده دخلوا عليه بيعيطوا بيحضنوا والاحفاد لسه صغيرين وعايزين يطمنوا انا بسأل بس ليه وايه اللي وراء ده بس يعني اللي وصلت له انهم بيعملوا كده عشان التريند وبيكسبوا من وراه فلوس”.
وتابع: “والله الحمدلله عادل في حالة جيدة جدا الحمدلله ومستمتع بحياته ومش مضايق من كام يوم دخلت عليه الاوضه كان مستخبي وبيلعب مع احفاده وبيخضهم بيقولهم بخ”.