قامت السيدة أمنية إسماعيل، السيدة المُعنفة من قبل زوجها بالإسكندرية، بقص تفاصيل بشعة عن ضربها المبرح من قبل زوجها، قائلة إن زوجها ضربها منذ 3 أشهر بنفس الطريقة الذي ظهرت في الفيديو المتداول على السوشيال ميديا منذ الساعات القليلة، وحررت ضده محضر، وحددت جلسة محاكمته يوم 13 أو 12 أكتوبر الماضي، وحكم ضده بدفع 200 جنيه غرامة، وعندما علم بأنها أقدمت على طلب الطلاق بالضرر، انتظرها وتهجم عليها.
سيدة الإسكندرية المعنفة تروي الواقعة
وأضافت السيدة أمنية إسماعيل،عن سبب واقعة ضربها المبرح بهذا الشكل العنيف، خلال اتصال هاتفي ببرنامج «حضرة المواطن»، مساء أمس، المذاع على شاشة قناة «الحدث اليوم»، ويقدمه الإعلامي سيد علي، أن هناك سيدة سارعت باللحاق به عندما أقدم على ضربها، «واحدة شافته وهو بيجري عليا،علشان يضربني بالشكل ده، فجريت معاه عشان تحوش بينا، وهي عارفة إن فيه مشكلات بينا».
وأشارت السيدة أمنية،خلال حديثها إلى أن زوجها جرى القبض عليه أمس بعد نشر وتداول الفيديو علي السوشيال ميديا، قائلة: «بقالي 7 سنين بالمنظر ده، ومستحملة عشان البنتين، بنتي اللي شافت الواقعة اسمها أيتن وعندها 6 سنين، ومش أول مرة تشوف الكلام ده، لما شافتني بيضربي اتصدمت ومتحركتش من مكاني، بتقولي افتكرتك موتي».
زواج تقليدي
وتابعت أن زوجها يعمل في محل لبيع الملابس ،في حي سيدي بشر في منطقة الاسكندرية،ومتعلم وحاصل على دبلوم صناعي، بينما السيدة المعنفة حاصلة على مؤهل نظم ومعلومات إدارية، «متجوزناش بعض عن حب،كان جواز تقليدي، ومكناش نعرف بعض، كنت ساكنة جنب المحل بتاعه، وجبت منه كذا مرة، وهو شافني وبعدين اتقدم ليا».
وأوضحت”إسماعيل” أنها كانت تستحمل قسوته لأنه كان يعود لها ويعتذر:«كل مرة كان يرجع ليا ويقعد يقولي معلش وخلاص وحقك عليا، ويرجع تاني يضربني،بسبب حاجات ملهاش لازمة،أهلي خدوا بعد كدة موقف منه، كانوا عاوزين يحافظوا على بيت بنتهم زي أي أب وأم، لكن دلوقتي متدمرين، لو كنت بشتغل وعندي مصدر رزق مكنتش هتحمل الإهانة دي والضرب، استحالة اسمح لنفسي أعيش مع واحد زي دة، ومش بيصرف على أهله جنيه، وطردني وأنا قاعدة عند بيت أهلي من 3 شهور».