كشف الفنان طارق صبري عن الهجوم الذي تلقاه بسبب شخصيته في مسلسل الاختيار 2، حيث أنه كان يؤدي شخصية إرهابي شرير، وكان هذا الدور من أصعب الأدور الذي قدمها.
وأشار خلال حواره مع الإعلامية ريهام إبراهيم في برنامج “من مصر” المذاع عبر قناة cbc الفضائية قائلاً: “اشتغلنا اننا نوصل حاجة للمشاهدين من خلال الشخصية وانا عارف ان الشخصية ديه مش هتتكرر تاني خالص، والشخصية كانت مليانة غل وشر والارهابيين والخاينين ليهم طريقة كده ونظرة للمجتمع ومشهد الولاء اظهر وحشيتهم ونقل الحقيقة”.
وأضاف قائلاً: “الحاجة لما بتتعمل بصدق شديد بتوصل للناس بسرعة وبتأثر فيها والناس كانت بتتعامل معايا اني خيرت مش طارق صبري بيأدي شخصية خالص وتلقت هجوم شرس من المتابعين والجمهور، والناس كانت بتدعي عليا في صيام رمضان بسبب شخصية خيرت الإرهابي”.
وأوضح قائلاً: “الناس كانت بتتعامل معايا ان الارهابي الشرير والناس كانت بتهجمني واتخضيت في الاول بس الحمدلله عدت”.
وتحدث عن روح الكواليس مع فريق العمل والممثلين الذين كانوا مشاركين في هذا العمل قائلاً: “متعملتش مع المسلسل انه عمل درامي لا انا بشوفه حاجة وطنية كأن المنتخب بتاعنا كان بيلعب”.
وأردف قائلاً: “والمسلسل مجمع نبخة من الممثلين او بشكل اوضح كان مجمع كل من حاسس انه عليه واحب اتجاة البلد ديه وفي الاخر هو عمل وطني واللي اشتغل في اشتغل عشان هو عمل وطني وعشان يوثق حاجة زي كدة للأجيال اللي طالعة”.
اقرأ أيضاً..
طارق صبري عن دوره في الاختيار 2: «اتعاملت مع الشخصية على مراحل» (فيديو)