فتاة الفستان/ كشفت حبيبة طارق عن رسوبها في مادتين فقط بـ كلية الآداب بـ جامعة طنطا، وجاء ذلك عبر صفحتها الرسمية بموقع التواصل الاجتماعي “فيس بوك” من خلال بث مباشر، ولكن هناك مصادر من الجامعة نفت ذلك وقالت انها راسبة في 6 مواد.
وأكدت مصادر أن الطالبة حبيبة طارق، راسبة من الفرقة الأولى في مادة، وفي الفرقة الثانية رسبت في 3 مواد الترم الأول، واوضحت هذة المصادر ان رسوبها في المواد الدراسية بالجامعة ليس له علاقة بواقعة الفستان التي حدثت واثارت جدل واسع في الترم الثاني من الفرقة الثانية، ورسبت ايضاً في مادتين بالترم الثاني ليصل اجمالي رسوب المواد إلى 6، وهذا يجعلها تعيد السنة مرة أخرى.
صدمة.. فتاة الفستان ترسب في 6 مواد دراسية والجامعة تفجر مفاجأة
وروت تفاصيل تهديها بانها سوف تعيد السنة وذلك بسبب الازمة التي مرت بيها الفترة الماضية وارتدائها فستان قصير في الحرم الجامعي.
ونشرت عبر صفحتها محادثه، وعلقت قائلة: “مش صدفه شويه اني اتهدد اني اطلع بمادتنين و القي نفسي فعلا طالعه بيهم و هعيد السنه!!!”.
وتابعت قائلة: ” انا اسحب ورقي واحسن جامعه في اسكندريه تقبلني و انا حقي هاخده غصب عن اي حد… وانا نفسي طويل لو هفضل لي اخر يوم في عمري هاخده انتم منكم لله … الله لا يسامحكم .. الله لا يسامحكم”.
تفاصيل ازمة حبيبة طارق (فتاة الفستان)
أثارت فتاة بـ جامعة طنطا تدعى حبيبة طارق جدل بسبب ارتدائها فستان قصير وذهبت بيه إلى الكلية، وتعرضت إلى التنمر والتحرش اللفظي من نساء ورجال.
وروت حبيبة تفاصيل ما حدث معها خلال مداخلة هاتفية ببرنامج الحكاية للاعلامي عمرو اديب المذاع عبر قناة ام بي سي مصر، قائلة: “من اول لما دخلت اللجنة لاقيت المراقب خد بطاقتي وسألني قالي انتي مسلمة ولا مسحية قولتله مسلمة، ولما خلصت الامتحان وكنت خارجة من اللجنة لاقيت مراقبة ست كبيرة بتوقفني وتنادي لصاحبتها ولاقيتها بتقولها في وسط صحابي وزمايلي والمراقبين نسيتي تلبسي البنطلون بتاعك ولا اية؟؟، والتانية تقولي انتي بقى جاية منين يا ماما ترد الست تقولها شكلها اسكندرانية وتقولها انا شوفت في البطاقة بتاعتها”.
وأضافت قائلة: “ولسه هسأل جابتها منين وهي اصلا مش مراقبة عليا لقيتها بتقولها ديه كانت محجبة بس قلعتها انا شوفت البطاقة بتاعتها وانا مش ملاحقة ارد عليهم خالص راحت قالتلي انتي كنتي محترمة زمان ودلوقتي بقيتي قليلة الادب؟ معلش هي فترة وهتعدي من عليكي”.
واردفت قائلة: “قبل ما اسيبها وامشي قالتلي ربنا يهديكي وترجعي لحجابك وديه فترة وهتعدي والناس في الكلية بصتلي كتير وانا ماشية الناس بقيت تنادي بعض ليه كل ده يحصل فيه انا معملتش في حد حاجة لية اتهاجم على فستان والفستان ولا عريان ولا في اي مشكلة ايه يعني الفستان تحت الركبة، وبسببهم لاقيت الناس كلها اتلمت واتفرجت عليا وقعدوا يندهوا لبعض وهي تنادي رجالة تتفرج وبعدين مكنتش فاهمة بينادوا لبعض يتفرجوا على ايه الحتة اللي باينة من رجلي زعلتكوا في اية”.