كشفت الفنانة صابرين عن كواليس مشاركتها بـ فيلم عروستي، وتجربتها في مسلسل زي القمر حكاية “واحد في مية”، كما أوضحت ان لديها ابن يريد ان يدخل عالم الفن والتمثيل، وكان أول ظهور لهم على الريد كاربد خلال العرض الخاص لفيلم عروستي.
صابرين تروي أسباب رفضها دخول ابنها بالواسطة الفن
وصرحت خلال مداخلة هاتفية مع الإعلامية بسمة وهبة ببرنامج “90 دقيقة” الذي يعرض عبر قناة المحور قائلة: “علي اللي ظهر معايا في الصور هو ده اللي عايز يدخل التمثيل، وهو زنان بشكل غير عادي، ابني الكبير نور مش عايز، والحمدلله عدى والصغير ملوش برضه وعدى، إنما اللي في الوسط علي هيتجنن عايز يمثل، وزن عليا وكلميلي، أنا قلتله مبكلمش حد، إنت عايز تمثل خد خطوات لوحدك”.
وأضافت قائلة: “انا طول عمري لما يقوليلي ابنك نفسه يبقى ممثل، بقولهم والله لو روحت مسرح ولاقيته في مسرحية او عملي مفاجأة مثلا في فيلم ووقفت سقفتله انا هسانده ساعتها”.
صابرين تكشف لـ بسمة وهبة كواليس “عروستي” ومشاركتها في رمضان 2022
وعن تجريبتها مع جميلة عوض في فيلم عروستي قائلة: “من اجل التجارب وانا كل فترة بحب اشتغل وفي فترة اشتغلت مع علي ربيع وكنت حابة فريق مسرح مصر وجمهور مسرح مصر جدا وانا من فترة للتانية بحب اعمل حاجة لايف كوميدي، والحمدلله الناس بتحبني في شوية”.
وقالت انها من المحتمل ان تشارك في كذة عمل في رمضان لعام 2022، مشيرة: “رمضان في كذة حاجة معروضه عليا وبفكر افاجئ الناس بحاجة جديدة عشان بحب المفاجآت”.
وبدأ عرض فيلم “عروستي” في السينما منذ عدة أيام، وهو من تأليف مصطفى البربري، وإخراج محمد بكير، وبطولة أحمد حاتم، وجميلة عوض، وصابرين، ومحمود البزاوي، وشريف دسوقي، وزينب غريب، ومروان يونس.