كشفت الفنانة صابرين عن شخصيتها في فيلم الأنس والنمس، وعبرت عن رأيها بالمشاركة مع محمد هنيدي لأول مرة.
صابرين عن الانس والنمس
وصرحت خلال لقائها مع الإعلامية لميس الحديدي، ببرنامج كلمة أخيرة الذي يعرض عبر قناة “أون” الفضائية قائلة: “الانس والنمس اول مرة اشتغل مع محمد هنيدي هو فيلم جديد وكله جرافيكس، كنا بنحط 3 طبقات رموش فوق بعض وبعد الميكاب كانوا بيشفوني يتخضوا، والاستاذ شريف عرفة شافني قالي ايه ده”.
وتابعت صابرين قائلة: “بحب اقول المشهد ويكون رمانة العمل ويعلم حتى لو كان دور بسيط جدا” لافتة أن فيلم 200 جنية فكرته مجنونة قائلة: “وانا لما باجي انزل تصوير انا نازلة العب جيم مع صحابي مش نازلة امثل”.
وأضافت قائلة: “ياريت كنت ابقى دلوعة، لما اتعرض عليا ام كلثوم ضحكت، وسعاد حسني لما شافتني قالتلي خدودك وضحكتك شبهي وقالتلي انتي ليه مش بتعملي استعراضات في السينما”.
صابرين تكشف موقف حدث لها مع سعاد حسني
اول ما وقفت على المسرح والستارة اتفتحت لاقيت سعاد حسني واحمد زكي قدامي اتصدمت واندهشت وفضلت واقفة متنحة”.
وتابعت خلال حوارها قائلة: “بقول الحمدلله ان كان حظي حلو جدا من كل للي حواليا ممثلين ومنتجين ومخرجين، وكل فترة بلاقي نفسي عملت حاجة حلو”.
وتحدثت عن شخصية حليمة بمسلسل “أفراح القبة” قائلة: “دور حليمة في أفراح القبة مكنتش متخيلة ان شخصية زي ديه ممكن تجيلي، والشخصيات اللي انا عملتها مكنتش بتوقعها تماما، مبعرفش احفظ ادواري ومبعرفش اذاكر قبلها بليل واحفظ والكلام ده، كنت بحفظ اون اير قبل الهوا مباشرةً”.
وأشارت قائلة: “كان في مشهد 18 ورقة وكان 14 دقيقة من كتر التوتر نمت بالميكاب عشان هنزل تصوير تاني يوم، واتفرجت على لقاءات لـ زينب الغزالي عشان اعرف اقدم الدور صح، واستاذ وحيد كان ملخص الدنيا”.