عبرت الفنانة شيرين رضا، عن افتقادها الشديد لوالدها الراحل محمود رضا، مشيرة إلى أنه ترك أثر كبير في شخصيتهاز
وقالت خلال لقائها مع لميس الحديدي: “بابا كان عنده صبر انه يسمع ويفهمني غلطي وعلمني الاعتماد على النفس وديما كان حاطط في دماغه اني قدامي مسؤلية”.
وأضافت: “بابا وحشني اوي وبفتقده كل يوم بفتقد طريقته والنكت بتاعته ومحمود رضا كان قادر يخليكي تعيطي من الضحك”.
شيرين رضا: بابا لما رجعت امثل قالي انتي عجزتي خلاص
وكشفت الفنانة شيرين رضا، عن رد فعل والدها الفنان الاستعراضي الراحل رضا، عندما قررت العودة مرة أخرى إلى التمثيل.
وصرحت شيرين: “وحشني اوي وكان جميل، ولما رجعت امثل تاني قالي انتي مش عجزتي انك ترجعي تمثيلي تاني”.
كما أعلنت عن الشخصيات الفنية التي تريد أن تجسدها خلال مسيرتها القادمة في عالم التميل.
وقالت شيرين: “نفسي اعمل واحدة شعبية او فلاحة بس صعب عليا عشان طريقة كلامي”.
وأعربت عن استيائها الشديد من التنمر الذي يقع على ابنتها نور من قبل المتابعين على السوشيل ميديا، موضحة أنها متنمرة كبيرة.
وقالت “رضا”: “انا متنمرة كبيرة بس اي حد بيتنمر على بنتي ممكن اقتله او اكله بسناني، والمفروض وقبل ما تتنمر على حد لازم تشوف نفسك الاول”.
وأضافت: “اللي بيضايقني في السوشيال انه بيأذي، بيأذي الناس بسبب الكلام وانا مش برد بس وجع مع وجع هيعمل كسرة”.