دعمت الفنانة شمس البارودي زوجة الفنان حسن يوسف، مها أحمد عبر السوشيال ميديا وخاصة موقع الفيس بوك.
وصرحت البارودي من خلال مداخلة هاتفية في برنامج تفاحة مصرية، التي تقدمه مها احمد، قائلة: “انتي محبوبة جدا واحنا متعاطفين معاكي جدا في كل مواقفك وانتي انسانة رائعة وحساسة وراقية ومحترمة”.
لترد عليها مها أحمد بدهشة قائلة: “يانهار ابيض انا انهاردة يوم من اسعد ايام في حياتي، وفعلا فنانتنا الكبيرة شمس البارودي عارفة مها أحمد وبتشوف مها أحمد ده كتير عليا والله”.
وأضافت شمس قائلة: “بدعمك على فيديوهاتك كلها وبوستاتك على الفيس بوك”، لترد مها قائلة: “انتي اديتيني طاقة إيجابية كتيرة ومتتخيليش انا احساسي ايه وانا والله العظيم ربنا عالم بيا وربنا يخليك لينا يا استاذنا حسن يوسف ويخليكي لينا يا نجمتنا شكرا على دعمكوا ليا”.
أخر أزمات مها أحمد
يذكر أن كان هناك أزمة بينها وبين أحمد السقا، وكانت بداية الأزمة بعد قرار المتحدة للخدمات الإعلامية بـ وقف المخرج محمد سامي، وكتب تعليق قائلة: “عوضي على الله دى الجمله اللى دايما بقولها لما اتصدم فاشخاص. الحكايه ياساده نجمين عملوا مسلسل واتنجمت عليهم بنوته لسه الف باء تمثيل واديتهم على قفاهم وركبت عليهم الى ان اصبحت بطلة المسلسل وبطلة الدعايه للمسلسل وهما راضيين رغم ان طول عمرهم مبيعملوش كده مع اى زميله لهم اقربها انا”.
وتباعت قائلة: “النجم الاولانى بينى وبينه عيش وملح وزماله رشحت فمسلسل بطولته وكان بيقنعنى بدور ولما وافقت بعتولى دور تانى معرفوش دور متعملوش واحده مبتداءه المفروض انه عارف قيمتى الفنيه وعارف انى اضافه له اتهرب منى وموقفش جنبى وباعنى رغم ان الكل عارف انى زى اخته(ندل) اما التانى كان فبداياته يتمنى يسلم عليا ويقولى يااستاذه نزلت من نفسى وقلتله مش هنشتغل مع بعض ماهى الحوجه مره رد وقالى الدور بينادى صاحبه. طبعا محكلكوش قد ايه ندمت نفسى وعشت اسود ايام حياتى عياط واكتئاب. وقلت ( عوضى عليك يارب)”.