تصدر شقيق بدرية طلبة تريند عبر مواقع التواصل الاجتماعي المختلفة وذلك بسبب انتشار شائعات حول وفاته وكانت هذة الشائعات من قبل شقيقته ونفى هذة الأخبار عبر صفحته الرسمية بموقع التواصل الاجتماعي “فيس بوك”.
شقيق بدرية طلبة يتصدر تريند بعد شائعة موته
وعلق قائلاً: “يا جماعة الفنانة بدريه اللى كانت المفروض اختى منزلة نعى عنى انى اتوفيت والمفروض اللى ف النص دى كانت بنتى وعشان رفضت اروح كتب كتابها النهاردة طلعو عليا إشاعة الموت بجد حسبى الله ونعم الوكيل فيكم”.
وتابع قائلاً: “انتو كلكم ميتين بالنسبالى من سنتين لما سبتو البيت ونزلتو الساعة ٢ بالليل جاين دلوقتى تحتاجولى ف كتب الكتاب انا يا جماعة ماليش عيال وعيال مين اللى يعلقو ع إشاعة ع ابوهم انه مات والله يرحمه وانا ع وش الدنيا عيال مين اللى أروحلهم تانى انا خلاص ماليش ولا عيال ولا أهل وأخوات”.
ووجه رسالة لـ الفنانة بدرية طلبة قائلاً: “وانتى ي فنانة بدريه ميته بالنسبالى من زمان وانشاء الله اللى قولتيه عليا بالكدب هيتقال ع جوزك يوم فرح بنتك بالصدق انشاء الله”.
وأشار قائلاً: “وانتظروا منى احلى مفاجآت ليكم ياللى المفروض كلكم اخواتى ومن بطن واحدة انتظروا منى احلى مفاجآت للكل وانتو اللى بداتو الحرب معايا”.
وطالب من متابعيه ان هذا البوست ينتشر عبر مواقع التواصل الاجتماعي قائلاً: “بالله عليكم يا جماعة انا عاوز البوست ده يتشير كتير عشان اثبت كذب الفنانة وانا هطلع لايف كمان شويه بصوتى عشان تتاكدو انى مش بكدب وهطلع معايا مفاجآت هتعجبكم اوى”.
أول تعليق من بدرية طلبة بعد تهديد شقيقها: “بلاش تخلو الرد يفضحكم”
علقت الفنانة بطريقة غير مباشرة على تصريح شقيقها وليد بشأن شائعة وفاته، مشيرة إلى حسن نيتها وأنها ضمن الجانب المظلوم في الموضوع.
وكتبت طلبة عبر حسابه الرسمي بموقع التواصل الاجتماعي “فيسبوك”:”الخبر اللي بينزل عن الفنان حتى لو ضده فا سبحان الله بردو بيكون لصالحه وخصوصا لما يكون سمعته طيبه ومحبوب فا مش كل اللى بيستعين بالصحافة فى تشويه فنان بينجح لان الفنان لو رد وحكى حيتصدق وخصوصا لما تكون الحكايات مشوقة وبالدليل وكلها بلاوي وفيها ست سيئة السمعة وفيها فتح أدراج وفيها مهازل خلى الطابق مستور ومتفرحوش بالحكاوى ربنا ستركم بلاش تخلو الرد يفضحكم وربنا يهدي”.