شريف مدكور/ كشف الاعلامي آخر تطورات حالته الصحية خلال الفترة الآخيرة، وذلك من بعد إعلامنه منذ بداية شهر أغسطس عن إصابته بالصفرا.
وقال مدكور منذ قليل عبر حسابه الشخصي بموقع التواصل الاجتماعي فيس بوك: « بقالي 18 يوم نايم في السرير بس الحمد لله في تحسن ».
شريف مدكور يكشف عن إصابته بالصفرا: “كنت خايف من كورونا”
وعلق قائلاً: “كنت خايف من الكورونا جالي الصفرا،الحمد لله راحة اسبوعين في السرير مع كثير من العسل الاسود”
أبرز ازمات شريف مدكور
ويذكر أنه تعرض لانتقادات الكثيرة بسبب التحدث بصراحة حول رفضه التام التجاوب وتقديم المساعدة إلى أفراد يطلبون الأموال منه.
وعلق شريف مدكور عبر صفحته الرسمية بموقع التواصل الاجتماعي “فيس بوك” قائلاً: “الفيديو بعمله بسبب بوست خاص بموضوع (ماحدش يطلب مني فلوس) ناس كثيرة هاجمتني مش عارف ليه وبقى تريند، يعني إيه حد ماعرفوش يبعتلي على الفيسبوك -بيحصل لي كل يوم تقريبا- يقولي عايز استلف 50-100 ألف جنيه أولا اللي بيتزنق في فلوس عمره ما يبعت لحد مايعرفوش، هيبعت لأخوه أو لخاله أو لخالته وحد من أهله”
وتابع قائلاً: “أنا شخص صريح وناس قالوا غليظ القلب وقلة أدب الحقيقة فلوسي بشقى بها إزاي أديها لحد ماعرفوش لكن لو أصحاب وأهلي هسلفه عشان عارف أنه هيرجعهالي، فإزاي واحده تقولي عايزه 100 ألف جنيه عشان اشتريت حاجات من ورا جوزي عشان هتفضح، هل يا جماعة دا طبيعي أو واحد يستلف 6 آلاف جنيه عشان سداد قسط الموبايل.. ليه اشتريته لما مش معاك فلوسه؟”.
وأضاف قائلاً: “وناس تقولي خسارة فيك الدعاء اللي بتدعهولي لما كنت عيان وعندي سرطان، ماحدش يذل حد في الدعاء، وأنا مطلعتش قولت أدعولي لما كنت عيان.. عيب حد يبعتلي يذلني على الدعاء اللي دعهولي وأنا حبيت أوضح لأني حسيت أني مش فاهم وأه قولت على قد لحافك مد رجليك.. وتعليقات الناس في منتهى السخافة أنا بوضح لو حد أعرفه من اللي حواليا عيني له لكن حد ماعرفهوش ومش صديق عندي على فيسبوك إزاي محبه فيّا بيطلب مني 100 ألف جنيه”.