نشر الفنان شريف إدريس صورة الفنان مجدي كامل ومها احمد، عبر صفحته الرسمية بموقع التواصل الاجتماعي “فيس بوك“.
وعلق على الصورة قائلاً: “مجدي كامل أستاذي أنا اول طالب درسله في المعهد العالي للفنون المسرحية مجدي من اجدع الشخصيات في الدينا..ومها انا اعرفها من زمان اشتغلنا سوا في مسلسل قديم إسمه سور مجري العيون شخصيه طموحه وبتحب شغلها جدا”.
وتابع قائلاً: “انا بحبهم جدا وعشرتي بيهم عشرة طويله جدا..ومش هسمح لحد مهما كان هو مين يغلط فيهم..بحبهم وبحترمهم وبقدرهم..ومش هدخل نفسي في اي خلاف بينهم وبين زملاء ليا وليهم وياريت انتو كمان ماحدش يتدخل..ربنا يهدي الامور وان شاء الله سوء تفاهم ويعدي”.
وأشاد إدريس بالفنان أمير كرارة بعد الذي حدث بين مها احمد و السقا و كرارة، عقب قرار ايقاف التعامل مع المخرج محمد سامي ، حيث اتهمت مها كلاً من أمير كرارة و أحمد السقا بالندالة .
و نشر صورة لـ كرارة وعلق عليها قائلاً: “من أنضف وأجدع الشخصيات اللي في الوسط الفني..تعب وشقي واتمرمط..وواجه كمية إحباطات فوق ماتتصورو..وكل اللي أحبطوه أنا متأكد ان النهارده بيتمنو يشتغلو معاه..وبرغم كده عافر واستمر وحاول..والحمد لله نجح..أنا وهو عمرنا ما كنا أصحاب وبقينا أصحاب لما لاقيته بيباركلي علي مسلسل كنت شغال فيه (سلطانة المعز)”
و تابع قائلاً: “و من نفسه لاقيته بيقولي عايز رقمك واتصل بيا مخصوص علشان يقولي مبروك..حركة ماحصلتش من ناس قريبين مني..الوسط الفني أوضه وصاله..سمعته طول الوقت سمعة نضيفه..في حياتي ماسمعت عنه حاجه وحشه..ولما اتعاملت معاه حقيقي بني أدم مجدع وإبن بلد وإبن أصول..البوست ده في محبة أمير كرارة بتمنالك كل التوفيق في كل اللي جاي في حياتك يابو سليم يا مجدع”.
اقرأ أيضاً..