أثارت تصريحات مؤدي المهرجانات حسن شاكوش في حلقة أمس ببرنامج الحكاية للإعلامي عمرو أديب المذاع على فضائية MBC مصر الجدل، لتخرج المطربة شذى عبر حسابها الخاص بموقع التواصل الاجتماعي «فيسبوك».
وعلقت شذى قائلة: «لقاء حسن الشاكوش النهارده ده بنسبالي كوميديا سوداء وهبد غير طبيعي! كنت بضحك وعايزة أكسر التليفزيون من كمية الاستفزاز، وبالأخص الجزء بتاع الرد إن حماقي أصلا سارق اللحن من أغنية تركي؟؟؟ وأساسا الأغنية التركي نازلة بعد أغنية حماقي بسنتين على الأقل! وإن أغنية حماقي من ٢٠١٢ جايبة ١٦ مليون بس؟؟؟؟؟؟!!!».
وأضافت شذى: «نقف بقا هنا.. أولا لما نجحت أغنية وسارق لحنها طيب كنت من باب العلم بالشيء ثقف نفسك واعرف تاريخ اللحن ده إيه ومين اللي واخده من مين! تاني حاجة قصدك إيه بأغنية حماقي جايبة ١٦ مليون بس؟ إنك أجمد وكده من حماقي!!! ما هو مش معنى إن في هوجة وانحدار في الذوق تتخيل إنك جامد أوي.. وتتكلم بتعالي كأنك مغني قصيدة الأطلال!».
وتابعت: «والله أمثلة بجد تكره الواحد في اليوم اللي فكر يسيب فيه حاجات كتير بيحبها علشان يخبط في العالم دى، ولقب فنان ده يتقال على كل من هب ودب، وبقا مقياس النجاح وتقدير حجم الموهبة مربوط بـ views وحسابات أبعد ما تكون عن المهنية والفن.. لنا الله والله».
حسن شاكوش بعد استقالة هاني شاكر: اتصدمت.. وهو جاب أخره والضغط كله كان عليه
أعرب مطرب المهرجانات حسن شاكوش، عن حزنه الشديد لاستقالة الفنان هاني شاكر، من رئاسة نقابة المهن الموسيقية، بعد الأزمة التي أثيرت اليوم خلال مؤتمر اعتذار شاكوش.
وقال شاكوش خلال حواره مع الإعلامي عمرو أديب، ببرنامج “الحكاية”: “أنا اتصدمت من قرار استقالته، وهو قيمة وقامة للوطن العربي كله، ومكنش ينفع اللي حصل في المؤتمر “.
وأضاف: “احنا خسرنا الاستاذ هاني والوطن العربي كله خسره، وهو قدوة لينا كلنا، واتعلمنا منه كتير جدًا”.
حسن شاكوش بعد استقالة هاني شاكر: اتصدمت.. وهو جاب أخره والضغط كله كان عليه
وأردف: “المؤتمر كان المفروض يتعمل من بدري بس استاذ هاني مكنش فاضي وكان عنده شغل بره، وانا كمان كان عندي شغل متأجل، فهو سمحلي اني اخد الكارنيه عشان شغلي ميتعطلش”.
وتابع حسن شاكوش: “فالعازفين والموسيقيين كانوا زعلانين عشان انا اخدت الكارنيه قبل ما اعتذر، والواحد حزين على اللي حصل النهاردة”.
واختتم: “الاستاذ هاني جاب اخره وفاض بيه، ومشاكل النقابة مخلتهوش يركز في شغله، والضغط كله كان عليه، وهو الاب الروحي بتاع النقابة”.