تحدثت الفنانة عارفة عبد الرسول عن نجاح مسلسل “بالطو”، من خلال منشور لها عبر حسابها الشخصي بموقع التواصل الاجتماعي “فيسبوك”.
وكتبت عارفة عبد الرسول، قائلة:” كلمتين محشورين فى زورى حاقولهم ورزقى على الله…ليه مسلسل بالطو نجح النجاح المدوى ده…لانه شبهنا بتاعنا…مافيش حد ماشافش حته منه او حد شبهه فى طرشوخ الليف تقول لنفسك فجأة..اه والله كان بيحصل كده…احنا كممثلين ماكناش احنا …بس كنا احنا”.
وتابعت:”وفى كلمه قالهالى المخرج عمر المهندس على جنب كده…لما كان بيعمل الكاستينج للمسلسل داخ عشان يلاقى بنت شبهنا من طبقه متوسطه ومن مدينه فى الريف تبقى دكتوره فى وحده صحيه فى ارياف برضه…كل البنات لاعبه فى شكلها وتاتو وشفايف وحواجب….كلهم دكتور تجميل واحد عامل قالب واحد….وقع الاختيار على مريم الجندى…مش عشان هى بنت محمود الجندى ولا اخت احمد الجندى…ولا عشان هى ممثله كويسه…رغم انها ممثله ممتازه…ولاعشان كانت فى ورشه استاذنا خالد جلال ولفت لفه حلوه ع المسرح …اتكحرتت يعنى كل ده مكانش سبب لترشيحها للدور…السبب كان شكلها العادى…بنتنا…مننا”.
وأضافت عارفة عبد الرسول:”صرخه مكتومه من قلبى للبنات ارجوكم.. حبى شكلك اللى ربنا وهبه لك …مناخيرك كبيره شويه وماله دى ميزه…سنانك معووجه مايضرش دى ميزه …ارجوكم…كونوا عاديين”.