استطاع الفنان سعد المختار، أن يحقق نجاحًا كبيرًا في الماراثون الرمضاني الحالي 2022 بـ خوضه عملين دراميين هما “الاختيار 3-ورانيا وسكينة”، وخاصًة كان دوره في الاختيار لافت بدرجة كبيرة، وحقق نجاحًا كبيرًا في الوهلة الأولى من ظهوره.
وأجرى موقع “أوان مصر”، حوارًا صحفيًا مع الفنان الصاعد سعد المختار يكشف فيه تفاصيل مشاركته في الاختيار 3.
وجاء نص الحوار كالتالي:-
-ما الذي دفعك للمشاركة في مسلسل الاختيار 3؟
اللي دفعني للمشاركة في مسلسل الاختيار إن اي حد يتمنى يشارك في مسلسل الاختيار، حتى لو مشهد واحد هنطلع فيه، الاختيار ده ملحمة اي حد يتمنى إنه يشارك فيه، وكان نفسي اشارك فيه في الجزء الأول والثاني.
-كلمنا عن كواليس شخصية الشبح؟
ارهابي متمكن جدا مش بيتكلم كتير، عنده اهداف بيعملها فهو تحضيره بالنسبالي الحمد لله مكنش صعب بحكم أن أنا اشتغلت الحاجات دي تقريبا كتير، إنما خلفية الارهابيين كلنا عارفين اسلوبهم وطريقتهم تكاد يكون تفكير واحد بس ازاي انك تميزه جي لمهم معينة اذا كان حد مجندني وعندي غسيل دماغ، هو ارهابي متخصص على التدريبات القتالية وحاجات وجي من سينا وجي مخصوص لمهمه معينة.
-هل واجهتك صعوبات في العمل؟
لم يواجهني اي صعوبات في التصوير، الصعب الوحيد إن كان بيصادف تصوير ده مع مسلسل رانيا وسكينة، بس الدنيا كانت متسهله من الإخراج والانتاج.
كلمنا عن تعاونك مع المخرج بيتر ميمي؟
دكتور بيتر ميمي الشغل معاه حاجه تانية وعملت معاه عقدة الخواجة، وبيعرف يطلع منك حاجات مش موجوده، واللي بيريح المسلسل في اللوكيشن جدا، وبيسيب الحرية جدا.
هل شكل جسمك بيسهل عليك الأعمال التي تخوضها؟
شكل جسمي بيسهل عليا، لكن مش هو العامل الأساسي لكن شخصية رانيا وسكينة، دور مروان لسا مظهرش ، إنما هي شخصية محورية انتوا هتتفاجؤ بيها، وشكل جسمي لم يكن العامل الأساسي الدليل كان في 3 عصابات معانا بس كانوا أشخاص عادية.
-هل سنرى سعد المختار في أعمال آخرى بعد انتهاء الماراثون الرمضاني؟
العيد فيلم زومبي اخراج عمرو صلاح، بقوم بشخصية عوض، شيخ غفر وشخصية كوميدية وشخصية جديدة، مع عمرو عبد الجليل وعلي ربيع وان شاء الله هتنال اعجابكم، وعندي فيلم اشباح اوروبا اخراج أستاذ محمد عبد الرحمن حماقي، شخصية قاسم حد اجنبي شخصية تعبت في تحضيرها جدا وكان معظم تصويرها برا مصر بطولة هيفاء وهبي وأحمد الفيشاوي.