تامر حسني / علق الفنان تامر حسني من خلال حسابه على موقع التواصل الاجتماعي “فيسبوك” على زي بعثة مصر في الأولمبياد .
حيث أن التصميمات هي الأولى لتامر حسني في عالم الموضة ، و كتب من خلال منشور : لي كل الشرف والفخر أن يكون أنتم أول من يرتدي أول خط أزياء إيطالي لي في حياتي”
أزمة تامر حسني مع حلا شيحة
شهدت الأيام الماضية ولادة خلافًا جديدًا بين تامر حسني وحلا شيحة والسبب في ذلك يرجع لهجوم حلا على تامر بعدما طرح فيديو كليب “بحبك” من فيلم “مش أنا” عبر اليوتيوب، والذي جمع بين كليهما وسطأجواء رومانسية مليئة بالاحضان والدفء.
ونشرت “شيحة” عبر حسابها الرسمي بموقع التواصل الاجتماعي منشورًا تنتقد من خلاله تامر، كما أعلنت اعتزالها الفني، حيث قالت:”انا اتفاجئت جدا ًبنزول كليب يجمع فيه مشاهد متفرقة من الفيلم و في ايام ذي الحجة ايام مباركة و خصوصاً بعد اخر بوست نزلته و وضحت فيه انا ايه”.
وأضافت: “و اتفاجئت اكتر خصوصا ًبعد وعد تامر حسني ليا وتأكيده انه حيحترم رغبتي و بعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي .. احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح انا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح”.
وتابعت:“بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل و بننسى .. انا مش حتكسف من حد انا تبت من المشاهد دي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا”.
تعليق تامر حسني على تصريحات حلا شيحة
وعلق تامر حسني على تصريحات “شيحة”، وكتب عبر حسابه الرسمي بموقع التواصل الاجتماعي “إنستجرام”:”نهاركم جميل يا أغلى الناس، الحقيقه عمري ما بتخيل إني أدخل في نقاش بالشكل دا مع زميل بحترمه و كان في بينا كل خير”.
وتابع:”للتوضيح بما إنك يا حلا كتبتي بوست و أشركتي الجمهور الكريم معانا بدال ما كنتي تكلميني شخصياً و نتناقش بيني و بينك، فا أنا مضطر أرد هنا برضو”.
وأردف:”أولاً أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي أوعد و أخلف….. الحقيقه اني إحترمت كلامي معاكي و وعدتك أشيل مشاهد تانيه طلبتيها و شيلتها بالفعل و شكرتيني عليها و لو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف او كلميه يبعتهالك كلها موجوده”.
واستطرد: تامر حسني:”و بعدين الفيلم بقاله ٣ اسابيع في السينمات و الكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي ؟؟؟؟ منطق غريب فعلاً يا حلا”.