تحدث المستشار مرتضى منصور رئيس نادي الزمالك في فيديو خاص جمعه بقائد الفريق محمود عبدالرازق شيكابالا، ومعه أمير مرتضى المشرف العام على الكرة بالفريق الأول بالنادي.
وقال مرتضى منصور أن مايحدث من أزمات خلال الفترات الماضية بسبب الفتنة بين جمهور الأهلي والزمالك لابد من إيقافها، وحصرها على مواقع التواصل الاجتماعي “فيس بوك”.
تصريحات مرتضى منصور
“أنا بدأت مرحلة جديدة وفتحت صفحة جديدة مع النادي الاهلي وبدأت كلامي بعد عودتي إني مش بعادي حد لنبذ التعصب والفتنة عشان مصر”.
“كان في مؤتمر عمله مجدي عبدالغني من فترة كبيرة، ودعا كل الأطراف وقتها وانا رحت ولكن مافيش حد جه من النادي الأهلي، ولكن أعتقد لو حاجه زي كده اتعملت دلوقت الناس كلها هتيجي”.
“بقول لجماهير الأهلي والزمالك “عايزين تتخانقوا، يبقى تتخانقوا من غير ماتجرحوا في بعض على فيس بوك”.
” أول مارجعت للمجلس بدأت صفحة جديدة مع النادي الأهلي، لنبذ التعصب، وقولت في المؤتمر الخاص بي بعد رجوعي مرة تانية إني بفتح ذراعي لكل الناس ومش بعادي حد”.
” في صفحات على السوشيال ميديا بتحسب نفسها على نادي الزمالك، واعترضوا أما قولت الكلام دا عن مجلس الأهلي، وفتح صفحة جديدة مع إدارة الأهلي”.
” يا جماعة مجلس الأهلي بيبدأ ولاية جديدة، وأنا لسه راجع بعد استبعادي لمدة عام كامل، مينفعش أجي أعمل عداوة مع الخطيب وأضرب في الخطيب”.
” هنتعامل على حسب المواقف، لما يكون في مناسبة للخناق هنتخانق، ولما يكون في تهنئة هنهنئ، أنا محدش بيمشيني”.
” أنا محدش بيمشيني على فكرة، ومفيش حد في الدولة بيمشيني ولا وزير ولا السيد رئيس مجلس الوزراء، ولا أي جهة سيادية في الدولة قالتلي يا مرتضى اعمل دا”.