بطريقة خاصة و مختلفة ، أحتفل يوم أمس شاب يحتفل بتخرج والدته من كلية الحقوق ، عبر حسابه على موقع التواصل الاجتماعي فيسبوك ، و ذلك بعد أن استكملت تعليمها .
و كتب خلال المنشور الذي أرفقه بمجموعة من الصور تجمعهم سوياً: انهارده ماما اتخرجت من كلية حقوق اسكندرية بتقدير عالى ,ماما مكملتش تعليمها عشان تتجوز وهى عندها ١٨ سنه وجابت ٤ اولاد و بعد طلاقها من بابا من حوالى ١٠ سنين جالها حاله من الاكتئاب ، اقترحنا عليها انا واخواتى انها تكمل تعليمها وده ممكن يشغلها شويه من اللى كانت فيه وان حياتها ممكن تتغير شويه وفعلا اخدت القرار ده ودخلت الثانويه العامه وذاكرت واجتهدت وجابت مجموع كبير بعد كده اختارت تدخل كلية الحقوق وفعلا دخلت الكليه وبدأت تحضر المحاضرات وتذاكر زى اى حد لحد ما جه اليوم اللى تتخرج فيه و بتقدير كمان
انا واخواتى عمرنا ما كنا نتخيل انها توصل للمرحله دى !
شاب يحتفل بتخرج والدته من كلية الحقوق.. «جوزناها و كملت تعليمها»
و تابع: احنا بجد فخوريين بيكى يا امى فعلا علمتينا يعنى ايه مفيش حاجه اسمها مستحيل وان دايما فيه امل
انتى مثال للنجاح والطموحربنا يخليكى لينا وعقبال ما نشوفك احسن محاميه فى مصر لان الحلم و الطريق لسه مخلصشمبروك يا امى ، على فكره هى كمان جالها عريس من سنه وجوزناها ف هى عروسه برضو .