حلت الفنانة الشابة سينتيا خليفة ضيفة ببرنامج “صاحبة السعادة” يوم الاثنين الموافق 30/8/2021، والذي يعرض يومي الاثنين والثلاثاء في تمام الساعة 11 مساءً عبر قناة dmc الفضائية.
سينتيا خليفة تكشف عن اسباب شهرتها في مصر
وصرحت سينتيا خلال حوارها قائلة: “اول عمل شاركت في كان عندي 18 سنة كان مسلسل روبي واول لما صورت في مصر قولت وااااااوووو وحبيت جدا ان استقر في مصر جدا ومبسوطة ان استقريت ع حاجة في السن ده”.
وكشفت تفاصيل إقامتها في مصر وخاصة القاهرة قائلة: “قاعدة لوحدي في القاهرة وعملت صحاب كتير اوي ومديرة اعمالي هنا وصاحبتي من زمان اوي وتعرف اهلي وحاسة ان قعدة وسط عيلتي”.
وأشارت ان مسلسل نمرة اتنين سبب شهرتها قائلة: “مسلسل نمرة اتنين ده اللي اطلقني في مصر وهو السبب انه يجبلي مسلسلين في رمضان”.
وروت تجربتها مع الفنان آسر ياسين واشادت بادائه قائلة: “تجربتي مع اسر ياسني كانت جميلة جدا وهو انسان مثق ورايق وانا بحب اشتغل مع الناس اللي كده ومكنتش معروفة خالص والفنانة اروى جودة جميلة وحضنوني وخلوني اطلع كل حاجة حلوة عندي”.
سينتيا خليفة توضح حلمها مع صاحبة السعادة
وأوضحت ان حلم حياتها ان تكون ممثلة كبيرة في مصر قائلة: “حلمي ان اوصل لابعد اماكن في التمثيل في مصر وعمري ما حسيت في مصر بغربة مع اني عشت سنة صعبة اوي الفترة بتاعت كورونا ومكنتش بشوف اهلي”.
واردفت ان اكثر رول موديل هي تحبها في مصر الفنانة يسرا قائلة: “يسرا احسن رول موديل بالنسبالي، حبيت نيلي كريم برضه بس يسرا عشان من زمان اوي وهي فيها بساطة وتواضع وميجا استار وهي الرول موديل بتاعتي”.