كشف الإعلامي “سيد علي” مُقدم برنامج “حضرة المواطن” المُذاع عبر قناة الحدث اليوم، حقيقة سفر التونسي “فرجاني ساسي” لاعب وسط نادي الزمالك إلى بلده، وذلك من خلال برنامجه.
وأوضح “سيد علي”: “اللاعب تلاعب بإدارة نادي الزمالك ورفض التجديد مع الفريق، وذلك بسبب وجود عروض مالية بمبالغ خيالية كبرى”.
وأضاف: “فرجاني قال لنادي الزمالك عاوز جواز السفر عشان هخلص ورق في البنوك وسافر تونس من غير ما يستأذن من الإدارة”.
وتابع: “مينفعش اللي بيعمله ده لازم وجهة نظره تكون واضحة وصريحة مع إدارة ناديه، وسافر تونس عشان ياخد أجازة من غير موافقة إدارة الفريق”.
وواصل: “انا تواصلت مع الصحفي اللي كان كاتب خبر انتقال “فرجاني” إلى فريق الدحيل القطري، وأكدلي ان فعلا النادي اتفق معاه على كل حاجة وتوقفت المفاوضات في الآخر بسبب الزمالك وأعلن النادي القطري تعاقده مع لاعب وسط إيراني”.
واختتم حديثه قائلًا: “والصحفي قالي ان نادي الدحيل كان عاوز “ساسي” عشان يلاعبه معاه في كأس العالم للأندية، بس خلاص تعاقد مع لاعب تاني وفي الوقت الحالي “ساسي” مش قدامه أي عروض غير التجديد للزمالك فقط”.
اقرأ أيضًا..