أعربت الفنانة سهير رمزي، عن ندمها الشديد لوفاة والدها وهو حزين على ما فعلته معه، لافتة إلى أنها ذهبت إلى المقابر بعد وفاته، واعتذرت ليه.
سهير رمزي: قعدت 40 سنه مش بشوف أبويا.. وبعد ما مات روحت اتأسفله
وذكرت سهير رمزي خلال برنامج “السيرة”، الذي تقدمه الإعلامية وفاء الكيلاني على قناة dmc، قائلة:”طول عمري مش متعودة اعمل حاجة وانا مش حابة اعملها وديما بيبقى في واجبات لازم تتعمل فلازم احسها الاول واحس ان فعلا عايزة تتعمل بعملها، وندمت لما بابا توفى وهو زعلان مني وكان بقالي حوالي 40 سنة مش بشوفه ولا هو ولما توفى حسيت ان لازم اروحله وروحت المقابر واتأسفتله وطلبت انه يسامحني”.
وواصلت سهير: “في اخر ايام في حياة بابا كان بيجيب افلامي يتفرج عليها مع انه كان رافض تماما فكرة التمثيل بس اتحكالي انه كان بيتفرج عليا ويعيط مش عارفة بيعيط عشان انا بمثل ولا عشان وحشاه وبعدين يعني بعد 40 ولا 30 سنة لسه جاي يفتكرني دلوقتي فالموضوع كان صعب عليا جدا”.
سهير رمزي تتحدث عن حبها لزوج والدتها
وتحدثت رمزي عن حياتها الشخصية ، وحبها لوالدها وزوج والدها قائلة: “لا مش بكره بابا بس كنت مدلعة زيادة عن اللزوم دلع مريق زي ما بيقوله ولما مرة واحدة يضربني بالقلم وماما كانت مدلعاني وكنت بحب جوز امي اكتر من ابويا”.