روت الفنانة القديرة سهير رمزي، كواليس زواجها من رجل الأعمال علاء الشربيني، لافتة إلى أنها قابلته أثناء قضائها عمرة، وكان شريك في شركة السياحة التي كانت ذاهبة معها.
سهير رمزي تروي كواليس زواجها من علاء الشربيني: اتقابلنا في عمرة
وذكرت سهير رمزي خلال برنامج “السيرة”، الذي تقدمه الإعلامية وفاء الكيلاني على قناة dmc، قائلة:”أنا وعلاء اتقبلنا في عمرة وشافني وشوفته وهو كان شريك في شركة السياحة اللي كنت طالعة تبعها كان في اخر سنة 2003 وكان لازم اشكره وروحت وعملت جيست وقولتله ميرسي جدا على الاهتمام كان بتعملي كل حاجة مخصوص وقولت بعدين بقى في الراجل ده ذوق اوي وكان مهتم بيا اهتمام كبير جدا وذوق ومحترم ومهذب جدا، وشديني ليه اهتمامه بيا كنت حاسة ان في اعجاب بس انا كنت رافضة موضوع الارتباط تماما بعد ما ماما توفت كنت حزينة جدا”.
سهير رمزي عن زوجها علاء الشربيني
وواصلت:”لما رجعت من السعودية انا عملت عزومة عندي للجروب اللي كان معايا وهو كلمني وقتها وعزمته واتعرف على اهلي وولاد خالي، ونظراته ليا كان فيها اهتمام واحترام وفي رجالة ييبان على نظراتهم جدا مش شرط كتر الكلام وهو كان من الرجالة ديه جيه تاني يوم بعد العزومة اتقدملي وقالي انا عايز اتجوزك قولتله طب ناخد وقتنا قالي لا مفيش وقت انا عايز اتجوزك، ولما جمعت كلام بنت خالي والحلم وكده وافقت واتمنى نكمل لاخر العمر”.