تحدثت الفنانة القديرة سهير رمزي، عن حياتها الشخصية، وعدد ازواجها، مشيرة إلى أن والدتها كانت تنصحها بعدم إعطاء ثقة لأي رجل، نظرًا للظروف التي مرت بها.
سهير رمزي:أمي نصحتني مديش ثقة للرجالة.. وأنا روحت اتجوزت 8 مرات
وذكرت سهير رمزي خلال برنامج “السيرة”، الذي تقدمه الإعلامية وفاء الكيلاني على قناة dmc، قائلة:” ماما نصحتني مثقش في الرجالة خالص بس انا هبلة اوي ولما بحب حد بدلق عليه اوي وعاطفية جدا وبتأثر من اقل حاجة فهي كانت بتخاف عليا وكلامها كان بعض منه صح ومعاها حق في دي”.
وواصلت:” أول جوازة ليا اتخطبت 15 سنة واتكتب كتابي 16 سنة وكان قبل ما اشتغل ممثلة اول جوازة ليا الفنان حلمي بكر ووافق اننا نعيش مع ماما في البيت وهو الوحيد اللي وافق اننا نعيش مع ماما، وكتبوا كتابي على حلمي ومكنتش قعدة معاهم مع حلمي العصمى كانت معاه في الجوازة السابعة او الثامنة العصمى كانت معايا، وحلمي بكر قعدت معاه سنة في الخطوبة وسنة في الجواز وانفضلنا بسبب انه مكنش عايز يخليني امثل والفنان السوداني كانت خطوبة بس بينا، وتاني جوازة ليا قعدنا 4 سنين وكان لازم يسافر السعودية واتجوزت وانا بصور اول اعمالس كان فيلم سرسرة، وتالت جوازة كانت من رجل اعمال كويتي وقعدنا 7 سنين مع بعض بس كان بيغير عليا اوي”.
زواجات سهير رمزي
وأستكملت:” رابع جوازة كانت من الفنان محمود قابيل بس مكنش سبب انفصالنا الغيرة لان انا مكنتش بغير عليه خالص انا باردة جدا وقعدنا سنة متجوزين، وخامس جوازة كان سيد متولي رجل اعمال مصري بس انفصلنا كتير اوي كنا ننفضل ونرجع تاني”.
وأردفت:” سادس جوازة ليا كانت جوازة من رجل اعمال سوري وديه مكملتش سنة وكانت غلطة وانا اتسرعت وقتها ومش بحسبها جوازة”.
وعن جوازتها السابعة قالت :” سابع جوازة ليا كانت من الفنان فاروق الفيشاوي واتجوزنا 5 سنين وحصل طلاق ورجعنا 3 مرات، وكان في حب بينا وكان بيغير عليا لان الراجل الشرقي طبيعي يغير بس الغيرة بتاعت مش اللي تخنقك وتضايقك”.
زواجات سهير رمزي
واختتمت سهير رمزي قائلة:” ثامن جوازة ليا كانت علاء الشربيني وبقالنا 17 متجوزين وديه اطول جوازة واتمنى اننا نكمل لاخر العمر، وهو انسان جدا ، وهثول حاحة، أول مرة اقولها لما مامل توفت سنة 2003 انا مكنتش اعرف علاء خالص وفي يوم من الايام لاقيت بنا هالي بتكلمني بتقولي مين علاء ده ياست ولاقيتها بتقولي ان ماما جاتلها في والحلم وقالتلها انتو مش بتكلموا سهير ليه على العموم انا بعتلها علاء وانا مكنش في حد في حياتي اسمه علاء خالص”.