علقت الفنانة سمية الخشاب على تغير النظام بـ كلية طب بشري جامعة بني سويف، بعد بداية السنة وجاء ذلك من خلال صفحتها الرسمية بموقع تبادل التغريدات القصيرة “تويتر”.
سمية الخشاب عن تغير النظام في كلية طب بشري
وغردت خلال تويتة قائلة: “معقوله كليه طب بشري بني سويف تبلغ دفعه اولي بنظام وبعدين يرجعوا في كلامهم؟ انا واصلني اخر دقيقه فوق ال٨٠ تويت عن الموضوع ده!!”.
وتابعت قائلة: “لو الكلام ده حقيقي يبقي حرام دول طلاب طب بشري يعني داخلين يشتغلوا مش يهزروا واستندوا علي كلام الشئون، حرام تضيع سنه من عمرهم عشان فجاه النظام اتغير”.
أبرز تصريحات سمية الخشاب
كشفت الفنانة سمية الخشاب، عن أيام شبابها، وطالبت بانها تريد ان تعيش شبابها ومراهقتها، كما روت تفاصيل أول مرة حبت فيها وكان ابن الجيران.
وصرحت خلال حوارها مع الفنان ماجد المصري في برنامج “بصراحة مع” على قناة MBC1 قائلة: “أنا معشتش مراهقتي وعايزة أعيش مراهقتي، مامتي كانت بتخاف عليا قوي في سن المراهقة وحابساني. ممنوع أبات عند خالي أو عمي عشان عندهم ولاد، وبعد الساعة 9 مينفعش أتأخر، ولو صاحبتي عندي مينفعش نقفل الباب علينا. دلوقت فهمت لما كبرت إن كان عندها حق وكانت بتخاف علينا”.
وعندما سألها ماجد المصري عن أول حب في حياتها قالت : “قلبي دق في ثانوية عامة، ابن الجيران والجو ده، أكيد مقدرش أكدب. كان عندي “سكيرت” كحلي أنزل بيه الشارع يقف على رجل، وشعري كان طويل”.