علقت الفنانة سمية الخشاب على القواعد الذي وضعها الفنان حسين فهمي كـ رئيسًا لـ مهرجان القاهرة السينمائي، وذلك بشأن ملابس الفنانات في الدورة المقبلة من المهرجان.
وقالت سمية الخشاب في تصريحات تلفزيونية لها: «معنديش أي مشكلة مع القواعد اللي قالها حسين فهمي واللي بتخص ملابس المهرجانات أن تكون محترمة ومش قصيرة، لأن أهم حاجة الإنسان يثق بـ نفسه وأنا واثقة بـ نفسي والمهم في الكلام ده هي الطلّة».
حسين فهمي يعد بـ «دريس كود» معين في مهرجان القاهرة السينمائي
وقال الفنان حسين فهمي في حوار مع الصفحة الرسمية لمهرجان القاهرة السينمائي:” احنا مهرجان دولي درجة أولى.. ولما جيت المهرجان لقيت إن كل واحد بيلبس اللي هو عاوزه.. عيب.. أنا هلبس كويس والناس تلبس لطيف.. المسألة تطورت أكثر مما أتخيل”.
وعلق حسين فهمي على أسئلة الفنانين حول مصممي الفساتين وتسريحة الشعر قائلا:” المسألة تطورت وبقى وريني يا حبيتي الفستان طب لفي كده.. اسمه ايه الكوافير.. مش ده المهرجان.. كلنا لازم نبقى لابسين الدريس كود بتاع كل المهرجانات الدولية.. الناس هتلبس كويس وهتبقى شيك وهيبان إنه مهرجان قيم”.
جاء ذلك بعدما زادت التعليقات مؤخرا على مواقع التواصل الاجتماعي خلال الفترة الماضية والتركيز على فساتين الفنانات وظهور عدد كبير من الإطلالات غير الموفقة التي تصبح “تريند” على السوشيال ميديا”.