كشفت الفنانة سمية الألفي اسباب انفصالها عن زوجها الفنان القدير فاروق الفيشاوي، مؤكدة ان سبب الانفصال ليس الطلاق.
سمية الألفي تكشف سبب انفصالها عن فاروق الفيشاوي
وصرحت أثناء حوارها مع الإعلامية وفاء الكيلاني ببرنامج “السيرة” الذي يعرض عبر قناة “دي ام سي” الفضائية” يومي الخميس والجمعة في تمام الساعة 9:30 مساءً قائلة: “دي حاجة اول مرة اقولها خيانته اللي حصلت مكنتش سبب الطلاق الاخير وانا قولتله الكلام ده والسبب اني عرفت انه رجع تاني”.
وتابعت قائلة: “وانا فاكرة اني قولتله اوعى تتصور ان انا الادمان بقيت قضيت حياتي وانا مش هيهمني ولا هيجرحني ان انت بتخوني مش ده المهم عندي انا ممكن اجيبلك كل نساء العالم تحت رجلك وديه مش قضيتي لا انت بتتدارى في موضوع الخيانة”.
وأضافت قائلة: “وده انا ببلغ انه مش قضيتي وهيظل الادمان وانك لازم تبطله هو اللي هيبقى قضيتي، متخلتش عنه خالص وديه قضيتي وعمر ما هتخلى عنها، انا مش هكمل عشان هو رجع تاني هو بطل فعلا تماماً ده بس بعد ايه”.
سمية الألفي تكشف أسرار في حياتها
كما أوضحت أغرب مشاكلها في حياتها الزوجية، مع زوجها فاروق الفيشاوي، لافته إلى أنها اكتشفت خيانته لها، ورغم ذلك طلبته على الهاتف لتسمع بأذنها حقيقة ذلك.
وذكرت سمية قائلة: “جالي مكالمة من شخص مجهول، بيقولي أن جوزك دلوقتي بيخونك، في السويت، وكانت أمي عندي، ومكنتش جبت عمر، وكان عندي صديقتي قالتلي هجيب نمرة الاوتيل ونطلبة، وأنا أقولها ابدا مش هعمل كدا هو لما يجي هقوله طلقني، وفي الآخر قولتلها كلميه”.
وواصلت: “كلمته وهي اللي ردت قولتلها اديني فاروق قوليلها مراته، وهو رد وحسيت أنه مخدود كأني شوفته بالظبط، وقولتله معلش في صحفيين واعلاميين كتير كلموني فعايزه اقولهم أنت فين، وقولتي لأمي هطلق وصديقتي قالتلي يلا ننزل نروح”.