هاجم المطرب الشعبي سعد الصغير الفنانة بوسي بسبب تجاهلها السؤال على والدها الذي فارق عالمنا أمس، وقال في تصريحاته الخاصة لـ موقع «أوان مصر»الإخباري :«أنا لو ابويا وانا صغير كان بيشرب خمرة وسايبنا بالجوع وسايبنا ماشين عريانين في الشارع ملطشة لكل حاجة وجه الوقت وبقيت حد مهم محبوش هكرهه زي ما كان بيكرهني بس صلة الرحم اللي ربنا قال عليها هتجبرني لو حتى ابعتله 5000 جنيه كل شهر مش هتفرق معاها اكيد».
وأكد سعد على شدة استياء وحزن والد بوسي يوم زفافها بسبب عدم دعوته لزفافها معلقا :« الراجل قعد يعيط عياط اليوم دا كان عمال يكلم نفسه هو انا علشان معيش بدلة اروح بيها فمعزمتنيش ».
وأضاف سعد :«كان نفسي أمنية حياتي أن بوسي قبل ما أبوها يموت تقوله ازيك يابا بس اقول ايه يكفي ان ابوها ميت وهو مش راضي عنها».
آخر أعمال سعد الصغير سعد الصغير
شارك سعد الصغير مؤخرا في مسرحية «كازانوفا»، والمسرحية من بطولة عمرو يوسف، وحسن الرداد، ونسرين طافش، وساندى على، وسعد الصغير، وهالة فاخر وحمدى الميرغنى، وبدرية طلبة، وسليمان عيد، وياسر الطوبجى، ومحمد طلعت، والعرض من تأليف ضياء محمد، وإخراج هشام عطوة.