حذر المطرب الشعبي سعد الصغير، الشباب من المخدرات بالأخص مخدر الشابو والآيس، الذي يجعل الانسان مغيب، وذلك بعد واقعة مقتل طالبة المنصورة، التي حدثت صباح اليوم.
وبث “الصغير” فيديو مباشر، عبر حسابه الرسمي بموقع التواصل الاجتماعي “فيسبوك”، وقال من خلاله: “متشربوش مخدرات، ولا شابو ولا آيس، انا عمري في حياتي مشربت اي حاجة حتى الشاي مبشربوش، بس الحشيش معقول، انا عندي ناس صحابي بيشربوا الحشيش عشان يعملو دماغ”.
وأضاف: “المخدرات هي اللي بتخليك تعمل حاجات غلط وتموت ابوك وامك وغيرهم، ابعدوا عن الكلام ده”.
واستطرد: “انا اول ما سمعت عن موضوع بنت المنصورة وقولت ان الواد ده مغيب وشارب حاجة، هو فيه حد عاقل يموت حببته كده، انا عندي صحابي وبيشربوا واعرف افرق”.
سعد الصغير يستغيث بـ تامر حسني وحمادة هلال للتربع لـ رقية
استغاث المطرب سعد الصغير، بالفنان حمادة هلال، والفنان تامر حسني، موجهًا نداءًا لهما بمساعدة رقية والتبرع لها، لتوفير حقنة بـ 40 مليون جنيه حتى يتم انقاذ حياتها.
وبث سعد الصغير فيديو مباشر، عبر حسابه الرسمي بموقع التواصل الاجتماعي “فيسبوك”: “رسالة لحبيب قلبي حمادة هلال وحبيب قلبي تامر حسني، انا قولتلكم انت بالذات عشان عارفكم ان انتو بتعملوا لربنا في الخباثة”.
وأضاف: “استاذة حمادة هلال وتامر حسني لو نزلوا عندهم خلاص لان عندهم ناس بالملايين على صفحاتهم، والناس كلها حباهم وعارفة انهم بتوع خير”.
وتابع: “اتبرعوا لرقية وخدوا الثواب، واعتبروها بينتكم، وتاجرو مع ربنا، واسئل مجرب، لو دفعت 3 الاف جنيه هتاخد 200 الف جنيه”.