تحدث رجل الأعمال “نجيب ساويرس“، عن أول مصروف في حياته، كما أوضح انه لا يصرف كثيرا خلال يومه المعتاد.
واضاف:”مبصرفش كتير في يومي لأني بفطر وأتغدى عند والدتي ولو خرجت للعشاء بصرف من 3 لـ 4 آلاف جنيه لان الدنيا غليت دلواتي عكس زمان”.
ساويرس يتحدث عن أول مصروف في حياته
وكشف رجل الأعمال خلال تصريحات تليفزيونية، عن أول مصروف أخده في حياته، قائلاً: “أبويا كان بيديني 2 جنيه في الشهر، وكل اللي معايا في الفصل بياخدوا 10 جنيه، بس هو كان بيدينا 2 جنيه عشان يعلمنا نبقى ناشفين، وطلع صح، لكن أولادي مراتي هي اللي كانت بتديهم المصروف، وكانت إيديها أنشف مني”.
وأضاف قائلاً: “أكتر الطلبات توظيف، وفيه ناس بتبقى عيانة مش قادرة تدفع المصاريف، الحكاية دي كتيرة مؤخرا تحديدا مرض السرطان، طلبات التشغيل والمرض والسفر وفيه ناس عندها مشاكل بتستعين بيا عشان أصلح الحال”.
نجيب ساويرس يوضح عادات في شخصيته يريد ان يغيرها
وأشار أن لديه الكثير من العادات الكثيرة الذي يريد ان يغيرها، قائلاً: “فيا عادات نفسي اغيرها بتكلم كتير عن نفسي، مش بعرف أسامح، مش براعي المشاعر، يعني ممكن أقول لواحدة إنتي تخنتي أوي، ومش بستحمل النقد ومش بحب حد ينتقدني، وبحس بيبقى فيه سوء نية للنقد، كل دي عادات فيا عاوز أغيرها”