كشفت زوجة الفنانة يحيى الفخراني، تفاصيل أول خلاف وقع بينهما أثناء دراستهما معًا في كلية الطب، أي قبل الزواج.
وقالت زوجة يحيى الفخراني خلال حوارها مع الإعلامية إسعاد يونس، ببرنامج “صاحبة السعادة”: “كان فيه بنت اسمها ليلى وباباها استاذ في الجامعة ويحيى كان حمقي وقتها، وحصلت مشكلة مع ليلى وقالها هو انتي عشان باباكي استاذ هتعملي كده، وفضل يزعق ليها قدامنا، وقتها اخدت موقف منه، وهو قابلني بعدها وسألني انتي زعلانة مني، قولتلو لأ بس مكنش يصح تكلم بنت كده كنت ممكن تاخدها على جنب وتكلمها، قالي انتي متعرفيش هي عملت ايه”.
زوجة يحيى الفخراني تروي تفاصيل اللقاء الأول بينهما: عزمنا على مسرحية بـ 10 صاغ
روت الدكتورة لميس جابر، زوجة الفنان يحيى الفخراني، تفاصيل اللقاء الأول بينهما، مشيرة إلى عشقه الشديد للمسرح.
وقالت لميس خلال حوارها مع الإعلامية إسعاد يونس، ببرنامج “صاحبة السعادة: “إسعاد كانت صغيرة وفي ثانوي وانا دخلت كلية الطب وكنا وقتها صحاب ونقعد نتكلم وكانت عندها فضول تيجي تزور الكلية ودخلتها المتخف بدل المشرحة عشان متخافش، وبعدين قالتلي انا عاوزة اروح المشرحة ودخلتها قالتالي ايه ده هو ده اللي يخوف، كانت جبلة، وبعدها واحنا ماشين في الكلية لقت اعلان لعرض مسرحي في الهوسابير”.
وأضافت: “قولتلها معرفش ووقتها روحنا نجرب ونشوف المسرحية في الهوسابير واحنا داخلين ندفع التذاكر، قابلنا يحيى في دخلة المسرح، ووقتها قال لنفسه انا عارف للبت السودا دي ام نضارة، وعزمنا على المسرحية ودفع 10 صاغ وقتها، وكان هو من ابطال العرض ده، ومن هنا بدأت الحكاية”.
وأردفت: “فضلنا اربع خمس ايام بعد ما حضرنا العرض نفكر ونخطط اننا نروح تاني عشان متشوقين نشوف ايه اللي هيحصل في الرواية”.