كشفت الفنانة ريهام عبد الغفور عن الأعمال التي ندمت على تقديمها، كما أعربت عن رأيها في عمليات التجميل والبوتوكس.
وقالت ريهام عبد الغفور خلال حوارها في برنامج أنا والقناع والتي تقدمه الإعلامية منى عبد الوهاب، ويتم عرضه عبر شاشة قناة الحياة: «أول عشر سنين في حياتي كنت بضيع ادور كتير مني، الحاجات اللي معملتهاش مكنتش بتاعتي ومقتنعة أن ربنا بيعمل الخير بس».
وعن الأدوار التي رفضت تجسيدها وكانت تتمنى ألا ترفض قالت ريهام: «فيلم قلب جرئ ياسيمن عملته وساعتها رفضت أعمله عشان كنت مشغولة في المسرح».
وعن تقدمها أعمال فنية كثيرة الفترة الماضية، قالت: «عملت أكتر من الناس متعودة عليا عشان الأدوار كانت حلوة وميتقالهاش لا وانا كان عندي احتياجات مادية وابني كان بيدرس في كندا وأنا كنت بنقل البيت».
ريهام عبد الغفور: أوقات بتبقى ظروفي مش حلوة
وتابعت: «أنا زي أي بني آدم بيكون أوقات مش معايا فلوس وظروفي مش حلوة ولما ظروفي تبقى وحشة تجيلي ادوار حلوة بحس ربنا بيساعدني ومكنش في دور شبه التاني».
وأما عن رأيها في عمليات التجميل، قالت: «ساعات عمليات التجميل بتبقى ضرورية جدا وساعات في ناس بتبقى مضايقة من حاجة في شكلها بيبقى من حقها تعمل عملية تجميل».
وأردفت: «أنا عملت مرة بوتوكس وقعدت شهرين في البيت عشان مش عايزة حد يشوفني عشان كنت حاسة أن في حاجة مختلفة ومش انا».
ريهام عبد الغفور: أنا راضية عن شكلي ومش بحب عمليات التجميل
وأضافت: «أنا راضية عن شكلي وعايزة ابقى مناسبة للدور وبحب شغلي اوي وبخاف عليه اكتر من شكلي وفي شخصيات اعرفها الموضوهع بيبقى ادمان وبيبقى شكلهم مختلف،أما أنا مش عايزة شكلي يبقى مختلف أنا عايزة ابقى حقيقة وصادقة لان ده شغلي».
واكملت ريهام عبج الغفور: «ولو بشتغل شغل تاني ابقى اعمل حاجات تصغرني أما شغلي معتمد على التعبيرات فبخاف أثر عليها وساعات الخطوط بضايقني وحظي مش احسن حاجة في الموضوع والخطوط بتعلم أكتر من سني عشان جلدي حساس».