أعربت الإعلامية ريهام سعيد عن استيائها الشديد، بسبب تداول الأخبار الغير صحيحة ضدها، وذلك عبر حسابها الرسمي على موقع تبادل الصور والفيديوهات القصيرة “إنستجرام”.
ريهام سعيد ترد على الشائعات المتداولة
وذكرت سعيد قائلة: “لما الواحد يبقى ممنوع من الكلام معندوش غير الموبايل يبص فيه و يسمع أخبار؛ لأنه معزول عن أولاده وأهله وأصحابه، معزول عن الدنيا مستني مصيره، فلما أسمع تقرير قذر كله كذب كله ولا كلمة صح كله بيتكلم عن وقف وافتراء وقصص مغلوطة، فين الضمير”.
وواصلت: “ونجيب سيرة التعلب اللي عيط اللي هو معرفش عرفته منين أنه عيط وهبل في هبل طب وبالنسبة للإنجازات العظيمة 20 سنة فين سيرتها والواحد مريض”.
وأختتمت:”الكلمة الطيبة صدقة يا عدماء الضمير والدم والإحساس والله ما مصدقة والله انتوا معمولين من ايه أنا مش عارفة هضايق تاني انتوا ولا تسووا، الصحافة دي شرف وحاجة كبيرة أوي .. أنا مش عارفة هشوف ولادي تاني ولا لا.. اتقوا الله.. كفاية دعاء الناس المحترمة اللي هيخليني أرجع لأولادي بإذن الله تعالى”.
ريهام سعيد تعلن إصابتها بـ كورونا
كشفت الإعلامية ريهام سعيد عن إصابتها بفروس كورونا المستجد، وجاء ذلك من خلال صفحتها الرسمية بموقع تبادل الصور والفيديوهات “إنستجرام”.
وعلقت قائلة: “بقالي اسبوعين بعاني من كورونا و الحمد لله الرئه اتاثرت و اتحجزت في المستشفي من شويه”.
وتابعت ريهام قائلة: ” “احساس غريب و انت عندك حاجه مميته. بتراجع نفسك كتير و تحاسب نفسك كتير اكيد غلطت لكن عمري ما قصدت كان دائما الغرض نفع الغير و اظهار الحقيقه”.
وأضافت قائلة: “شكرا يا رب علي حبك ليه و شكرا علي ابتلاءتك الكتير الي بتدل علي اهتمامك بيه . اذا كانت دي النهايه يا رب احسن خاتمتي و احسب لي كل عمل عملته لوجهك الكريم يا رب انت الوحيد الي عارف انا عملت ايه وكانت نيتي دائما ايه”.
وأشارت: “استحملت و صبرت علي افترا و ظام كتير . يا رب اغفر لي و سامحني و خلي بالاك من اولادي . اذا كان ده اختبار من اختباراتك و لسه في العمر بقيه يا رب اشفيني و اقف جنبي و سهل عليه محنتي انا راضيه باي شيء”.