أعلنت الإعلامية ريهام سعيد، ابتعادها عن السوشيال ميديا، معربة عن مشاعرها التي تمر بها خلال هذه الفترة، وكتبت عبر صفحتها الرسمية بـ فيسبوك منشور، قائلة:” انا حسه ان انا هاموت قريب عشان كده هابعد عن السوشال ميديا.
واوضحت سبب ذلك قائلة:” . انا حسه ان انا هاموت قريب عشان كده هابعد عن السوشال ميديا عشان اقعد مع اولادي اكتر وقت ممكن خصوصا ابني الصغير”.
وحول سبب الحالة التي تمر بها، قكتبت:” يمكن سحر يمكن اكتاءب و يمكن حقيقي . غالبا احساس الظلم كان بيقتلني بالبطيء في يوم من الايام الدنيا قامت عليه عشان تعلب اما المعراج و انكارها عادي . تامر امين يغلط في الصعايده قاصد او مش قاصد يتوقف ٣ شهور لكن انا اعمل اكبر حمله للسمنه و اعالج الاف من السمنه و عمليات ببلاش و يفتروا عليه و يقولوا اني قلت ان ريحتهم و حشه و اتوقف سنه . فتاه المول و لا تحرش و لا نيله و اجيب فيديو و هي معاه محدش يشوفوا و اتحاكم و ادفع الي ورايا و الي ادامي لسما المصري عشان تتنازل لان هي الي زقاها عليه . و غيره و غيره و غيره”.
وذكرت ما أسهمت به خلال فترة تواجدها أمانم الشاشة، قائلة:” كفايه اننا عالجنا اعداد مهوله من الشباب من المخدرات ورحت اماكن خطر جدا عشان اوعي الناس بدل ما اتكرم الاقي نفسي نايمه في اوضه متر في متر مع تاجره مخدرات . البرنامج يتوقف اطفال تموت و مدرسه ذوي الاحتياجات الخاصه الي فاتحنها تتقفل و تطلع ريهام افاقه و كدابه”.
وأضافت:”لو فضلت احكي هاحكي كتير بس انا موجوعه و مش قادره احكي انتوا ظالمين بتمشوا بكلمه من غير. ماتشوفوا و لا تفهموا . عندي كلام كتير اقوله علي كميه مواقف فيها ظلم رهيب”.
ريهام سعيد: مش مسامحة إللي ظلمني
وأعلنت أنها لن تسامح في أي حق لها، قائلة:” لو مت انا مش مسامحه . مش مسامحه اي خد قال عليه كلمه واحده مش حقيقيه او علي السمع . مش مسامحه اي صحفي كتب عني كلمه ظلم مش مسامحه اي واحد كتب كومنت موت بيها اطفال القلب . كفايه ان اي حاجه الاعلام بيتكلم فيها دلوقتي انا متكلمه فيها من عشر سنين”.
وتابعت:” هانزل قبري مش مسامحه و لا ايمن سليم و لا ريم و لا بسمه و محمد راضي وعلاء الكحكي و وليد مصطفي و احمد عبد العزبز و جورج قرداحي و كتير غيرهم . مشً مسامحه و لا هاسامح . مش مسامحه الي بتسحرلي كل شويه . مش مسامحه حسن شاكوش و الي عمله في اولادي . مش مسامحه اي حد ساهم في خراب بيتي و ضياع مجهود سنين و مش مسامحه اي حد انا معرفوش ضدي و بيحاربني و انا مش عارفه”.
وحول ما تنوي فعله قالت الإعلامية ريهام سعيد:” المهم اني اجهز للقاء ربنا اعوض الصيام و اصلي كتير و اتصدق و ادعي . ادعولي انتوا كمان ربنا يغفر لي”.
وأوضحت:” ريهام بتجيب مشاكل طب وراحت فين المشاكل لما قعدت في البيت ؟ ما هو الي فيه طبع مابيغيروش واله عشان الي كانوا بيعملوا المشاكل اتهدوا لما اعتزلت ؟ عشان انا مش علي الشاشه مليش قيمه و مفيش مصلحه اد ايه الناس وحشه . كلمت ناس كتير يساعدوني احقق حلمي وامثل مش عايزه اقولكوا الرد و ناس ياما و قفت جنبهم. كل دور اعمله المخرج يقول لي انه هايكسر الدنيا بس هي ماشيه بالشطاره ؟”.