كتبت-منة حسين
نشرت الإعلامية “ريهام سعيد” أعتذار و تبرير لجمهورها بعد قرار المجلس الأعلى للإعلام بعودة برنامجها “صبايا الخير”، وذلك بعد قرار إيقافه بسبب حلقة صيد الثعالب التي أثارت الجدل.
وكتبت “ريهام” رسالة طويلة عبر حسابها الشخصي بموقع التواصل الاجتماعي لتبادل الصور و الفيديوهات “إنستجرام” وعلقت على الصورة قائلة: “على اد ما زعلت إني اتهاجمت واتجرحت كتير فرحت أوي أن ناس كتير بقت رحيمة بالحيوانات حتى لو مفترسة وخطر على البني آدم، أنا بعتذر على أي مشهد في إساءة لأي حد وخصوصا الناس المهتمه بالرفق بالحيوان، بعتذر إني تسببت في أي ألم لأي حد فيكم لكن لازم تكونوا متأكدين أنا اشتغلت واجتهدت وتعبت لمدة ١٨ سنة وأكيد مش محتاجة أي شهرة ولا مشاهدة، الهدف الوحيد هو تقديم محتوى محترم صادق ومفيد”.
وأوضحت : “كنت عايزة أسلط الضوء على مهنة الصيد اللي موجودة في كل أنحاء العالم بمميزاتها وعيوبها حبيت أقدم الحقيقة وأزود معلومة جديدة لأن هي دي نيتي بس أنا مش بشتغل في مهنة الصيد ولا بمارسها لكن هي موجودة، أي اتهامات انا هرد عليها الحلقة الجاية لكن المهم دلوقتي أن محدش يزعل مني لأن أكيد كل الي اتقال ده مش حقيقة، أنا عايزة أعيش في سلام وكفاية مشاكل، نفسي اللي بيهاجموا وعمرهم ما اتفرجوا على البرنامج يبتدوا يتابعوا يمكن تشوفوا أد إيه بنتعب وأد إيه حريصين أن إحنا نقدم أحسن حاجة”.
وأشارت” مقدمة برنامج “صبايا الخير”: “أنا اسفه مرة تانية والمرة اللي جاية هحط في الاعتبار أن ساعات الحقيقة ممكن تجرح بس طلب اخير لما تلاقوا غلط انصحوا و صلحوا و ماتجرحوش لان اكيد الي رحيم بالحيوان هايكون اكيد رحيم بالبني ادم الي هو ربنا حطه في اعلي مرتبه . انا انسانه و اكيد الحكم عليه انا و عيلتي بالاعدام كل شويه مش عدل خصوصا ان طول الوقت في سوء تفاهم و لكن بيكبر نتيجه المشاهده العاليه . بتعرض لهجوم و اساءه رهيبه من غير ما حد حتي يعمل اعتبار لاولادي او امي . من دلوقتي لازم نفهم اد ايه احنا بنتشاف و لازم نكون اد المسؤليه و حتي لو لينا اعداء متربصين . امشي عدل يحتار عدوك فيك . وعد مش هانغلط تاني سامحوني”.
View this post on Instagram
وكان المجلس الأعلى لتنظيم الإعلام قد أصدر قرارا اليوم وقف برنامج “صبايا الخير” لمعروض على قناة النهار في ضوء ما ورد بالحلقة الخاصة بصيد الثعالب لحين انتهاء التحقيقات مع مقدمة البرنامج والممثل القانوني لقناة النهار بعد صدور العديد من الشكاوى ضدها.
وتعرضت ريهام سعيد لحملة انتقادات واسعة من المجموعات المهتمة بحقوق الحيوان عبر موقع Facebook، وصلت لحد المطالبة بمقاطعة برنامج “صبايا الخير” عبر شاشة “النهار” بسبب إمساكها وفريق عمل البرنامج بثعلب صحراوي حي، وأصدرت قناة النهار بيانا للاعتذار عن عرض هذه الحلقة موضحة أنه تم حذفها من كل المنصات.
اقرأ ايضا
نمرة 2 يكسب المسلسلات الإذاعية في شهر رمضان 2021.. تعرف على التفاصيل