نشرت الإعلامية ريهام سعيد، صورة لها على حسابها الخاص عبر موقع التواصل الاجتماعي لتبادل الصور والفيديوهات «انستجرام».
وكتبت قائلة: «توضيح : انا بقرًا حاجات كتير غريبه منها اني اعلاميه اتجهت للتمثيل ده مش حقيقي انا خريجه مسرح قسم تمثيل من الجامعه الامريكيه و التخصص الاصغر اعلام و بعدين لما اشتغلت في الاعلام عملت ماجستير في الصحافه التليفزيونية بالجامعه الامريكيه».
وأضافت: «انا عضو نقابه مهن تمثيليه من ٢٥ سنه و بدايتي كانت في مسارح الدوله و مسلسلات صوت القاهره و مدينه الإنتاج و بعدين اشتغلت مذيعه بالصدفه لان اهلي مكانوش موافقين علي التمثيل اشتغلت في الاعلام قال يعني مبعدش عن المجال كان تفكير عيال».
وأردفت: «و شاء القدر استمريت بالتمثيل بس برنامجي نجح نجاح غير مسبوق و غطي علي حلمي و متعتي الحقيقيه و هي التمثيل . انا ممثله اتجهت الاعلام و بعدين اعتزلت الاعلام عشان احقق حلمي كممثله . يمكن يكون مش مهم التوضيح ده بس مهم بالنسبه لي انا مش دخيله علي مهنه التمثيل دي مهنتي الي بعتز بيها و الي درست عشانها و تعبت اوي فيها و لسه هاجتهد اكتر لغايت ما اوصل باذن الله».
View this post on Instagram
ريهام سعيد لـ محمد رمضان: «انا عايزة اشتغل معاك» والفنان يرد
كشفت الإعلامية ريهام سعيد حبها وتقديرها لـ الفنان محمد رمضان، عن طريق برنامج إعلامي قائلة: «انا عايزة اشتغل معاك ، اي واحد بيشتغل معاك بيبقا ناجح وانا عايزة انجح» .
وقالت انا اشتغلت معاك ابن حلال قبل كدا وانا كنت ناجحة، وانا دلوقتي محتاجة انجح معاك ،و رغم كل انشغالاته قام الفنان محمد رمضان بالرد قائلا حببتي يا ريهام انتي متعرفيش كلامك أسعدني قد ايه ، وبجد انتي نجمة كبيرة جدا، واللي متشتغليش معاه خسران كتير.
وقالت ريهام سعيد إنها بكت بعد رد محمد رمضان لاهتمامه بها، موضحة أن الكثيرين تخلوا عنها بعد أزماتها الأخيرة، مؤكدة أنها تجتهد وتكون إضافة إلى أي عمل تشارك فيه.
وأعاد الفنان نشر الفيديو عبر مواقع التواصل الاجتماعي «الفيسبوك» فديو ريهام سعيد ف احدى البرامج، الإعلامية الكبيرة والممثلة الموهوبة ريهام سعيد احترامك وتقديرك واجب عليا ربنا يديم الحب والصداقة .