كشفت الفنانة الشابة رنا رئيس عن كواليس تجربتها في مسلسل «موضوع عائلي»، وخصوصًا مشهد أغنية «بنت أبويا»، وذلك خلال حوارها في برنامج “مساء دي إم سي” مع الإعلامية إيمان الحصري.
قالت رنا رئيس: «المشهد دا كان صعب بالنسبالي أوي، عشان أنا فقدت والدي، وكان فيه مكس مشاعر ومكنتش عارفة أعمل حاجز ما بين مشاعري وبين أن دا تصوير».
وأضافت: «وكمان هنا يسري غنت الأغنية حلو أوي، مسلسل موضوع عائلي هو توفيق من عند ربنا بشكل يخض، ربنا وقف جمبنا بجد».
وتابعت: «كان فيه كمية مشاعر ساعة موضوع عائلي كانت طاغية بشكل مش طبيعي، لأن كمان المسلسل بيحسسني أد ايه أنا فاقدة والدي، واللي بحسه بنزله على السوشيال ميديا أيا كان الوقت».
قالت رنا عن استخدامها التيك توك : «فيه فيديوهات بتضحكني، فطول ما أنا قاعدة فاضية بفتح التيك توك، قاعدين متأخرين في اللوكيشن قعدت أعمل اسكرول على التيك توك، وبشارك لما بلاقي حاجة عجبتني».