أبدى الكابتن رضا عبد العال لاعب النادي الأهلي والزمالك الأسبق، رأيه في تقدم المحامي محمد رشوان ببلاغ ضده إلى النائب العام، بعد تصريحاته الأخيرة ضد ربيع ياسين وعماد النحاس.
وقال عبد العال في تصريحات خاصة لـ “أوان مصر”: “أنا مجبتش كلام من عندي، ولا قولت لعماد النحاس يروح النهضة يرقص هناك، ولا قعدت ربيع ياسين على منصة رابعة يقول اسماء لاعبين”.
وأضاف: “بلاغ إيه اللي هيقدمه المحامي محمد رشوان ضدي، الفيديوهات فيها كل حاجة تثبت كلامي، هو غاوي شُهرة عشان كل شوية يطلع يجيب سيرتي”.
وتابع: “يقدم البلاغ اللي هو عاوزه.. أ ب كدا هقدم الفيديوهات للنائب العام، وكل حاجة تثبت كلامي موجودة فيهم، والفيديوهات على اليوتيوب ومع كل الناس مش معايا أنا بس”.
وأكمل: “رشوان ده غاوي شو وشُهرة، عاوز يعرف الناس كلها أنه شغال وأنه محامي”.
وأشار: “ماهو كل حد دلوقتي عاوز يطلع تريند أو يتشهر ويعمل فرقعة لازم يجيب سيرتي”.
وأوضح: “هو عاوز يتشهر فدور على مين اللي موجود على الساحة في الوقت الحالي وماشي كويس، عشان يخبط فيه ويطلع على حسابه التريند.. طبعًا مفيش غير رضا عبد العال”.
وأشاد: “هو لجأ للقضاء أعدل جهة في مصر حاليًا، وهو اللي هيبين الحقيقة وهينصر المظلوم وأثق أنهم سيحكمون بالعدل.. يعمل اللي هو عاوزة بقى”.
وواصل: “وبعدين أنا الحمدلله مش بتبلى عليهم في حاجة، الفيديوهات كلها موجودة في كل حتة على اليوتيوب”.
واستكمل: “محمد رشوان غاوي فرقعة.. بس إن شاء الله القضاء هيقول كلمته”.
واختتم رضا عبد العال تصريحه قائلًا: “مسلسل الاختيار مثلًا، أتعمل ليه؟.. أتعمل عشان يكشف للناس كلها حقيقة الإخوان ونيتهم إيه من ناحية مصر واللي كانوا بيعملوه”.
اقرأ أيضًا..