كشف الكابتن رضا عبد العال لاعب النادي الأهلي والزمالك السابق، حقيقة المنافسة على الدوري، ووضع بيراميدز في عهد تركي آل الشيخ.
قال رضا عبد العال في تصريحات خاصة لـ “أوان مصر”: ” بيراميدز النادي الوحيد اللي كان ممكن ينافس على الدوري الممتاز، ولكن في حالة تواجد تركي آل الشيخ فقط”.
وأكمل: “تركي آل الشيخ كان بيعمل منافسة قوية بين الأندية وبيراميدز، والدوري في الوقت ده كان له طعم تاني”.
وتابع: “تركي كان بيخوف جماهير الأهلي والزمالك من فريق الأهرام قبل كل ماتش؛ ودا بسبب المكافآت العالية جدًا اللي كان بيحفز بيها اللاعبين من أجل تحقيق الفوز”.
وأضاف: “ومش بس اللاعبين، وكمان كان بيعمل مسابقات بجوائز قيّمة للجماهير على توقعات نتيجة المباراة، من الآخر كان بيصرف على الدوري بكل الطرق عشان يبقى لبيراميدز بشرف”.
وواصل: “الموسم اللي كان متواجد فيه آل الشيخ مع الفريق السماوي، كان الأحق بالفوز بالدوري المصري لكن هناك أيدي خفية أهدته للنادي الأهلي”.
وأوضح عبد العال: “الحاج فرج عامر الله يباركله كان يؤجل مباريات ويقدم أخرى كل ده لمصلحة الأهلي عشان يفوز باللقب”.
واختتم تصريحه قائلًا: “بصراحة موسم تركي آل الشيخ مع بيراميدز كان من حقهم وأشهد بكدا في كل حته، والكل عارف الحقيقة دي كويس”.
اقرأ أيضًا..