كتبت/ سارة إبراهيم
فاجأت الفنانة رانيا يوسف الفنانة عارفة عبدالرسول بهدية مميزة أسعدتها كثيرا، وذلك أثناء تصويرهما الجزء الثاني من مسلسل “الآنسة فرح”.
كتبت عارفة عبدالرسول، على حسابها الخاص بموقع “الفيس بوك”: “من كام يوم داخله التصوير لقيت زميلتى قاعدة بتعمل شعرها وبتسمع فيروز قولتلها.. سيدى على المزاج الرايق أنت مسجلاهم قالتلى لأ دي إذاعة الأغاني بتجيب فقرة فيروزية الساعة 9 الصبح”.
وتابعت: “قولتلها الله الله على الجمال.. سألتني عندك راديو قولتلها لأ بس ممكن أنزله على الموبايل مش الراديو ممكن يجى على الموبايل ابتسمت وسكتت”.
وأضافت: “النهارده لقيتها داخله عليا براديو فخم فى علبة فخمة برضه واديتهولي هدية… أنا اتلخبطت مش عارفه أبكى ولا أفرح، طول عمرى بادلع اللى حواليا وقليقلين قوى اللى دلعونى”.
واختتمت حديثها، بقولها: ” فعلا الفرحة لجمتني مش عشان الراديو عشان ماكنتش مصدقة أن فيه ناس حلوة كده.. بوست للمرة المليون فى حب الست.. رانيا يوسف”.