قالت الفنانة رانيا يوسف:”انا معنديش مواصفات معينة في الراجل اللى ممكن اتجوزه ولكن نفسي احس انه مش بيتعامل مع رانيا الفنانة انا في البيت ست عادية مش عاملة شعري ولا حاطة ميك اب ولا قاعدة مأنتخة”.
وتابعت خلال لقائها ببرنامج “كلام الناس” المذاع علي قناة “ام بي سي مصر”:”يعاملني بني اَدمة عادية مش فنانة، ومش طالبة شبكة بالملايين وفي الجوازات التلاتة بتوعي مجاليش شبكة بالملايين”.
وأضافت:”لو راجل بصلي بصة مش كويسة وتوجع انا ممكن اقلب الترابيزة عليه واعور له عينيه، وانا متجوزش واحد عقلية سي السيد”.
ولفتت الفنانة رانيا يوسف:”فيه اصدقاء مشتركين بيني وبين ليونيل ميسي وانا بحبه لانه راجل تجاوز مشاكل كبيرة وهو مش بتاع منظرة، والاصدقاء المشتركين ما بينا بيقولوا انه رجل وانسان جميل جدا، وانا بشجع اللعبة الحلوة، وهو حلو مع مراته، ونفسي يكون عندنا نموذج ميسي الراجل الحلو ده، ليه مش عندنا رجل زي ميسي في مصر، واتمنى اتجوز راجل اجنبي”
على جانب آخر، تحدثت رانيا يوسف عن مسرحية “قمر الغجر” التي تعيدها للوقوف على خشبة المسرح بعد غياب 20 عاما.
وقالت رانيا يوسف خلال لقاء في برنامج The Insider بالعربي: الموضوع حلو ومعمول بشكل استعراضي غنائي وشكله هيبقى لطيف، هغني وهنعمل استعراض، مش غنى طرب هو غناء استعراضي بيخدم العمل وبيكون أسهل بكتير.