راندا البحيري / قدمت الفنانة من خلال حسابها على موقع التواصل الاجتماعي “انستجرام اعتذراً لوالد النجمة حلا شيحة .
بعد أن شنت راندا هجوماً عليها بسبب أزمتها مع تامر حسني ، و كتب من خلال صورة نشرتها لوالد حلا معلقة :
بعد كل اللي حصل واللي اتقال والتضامن من قِبَلنا مع نقيب الفنانين الدكتور أشرف زكي، وُجب عليّ تقدير وشكر هذا الرجل العظيم الفنان أحمد شيحة”.
وتابعت: “عايزه أقوله حضرتك على رأسي، وأنا بحترمك جدا وبحبك بجد وشكرًا لوقوف حضرتك مع الفن والفنانين ومُقدرة جدًا موقف سعادتك ودموعك الغالية وجعتلي قلبي، أنا أم وعارفة وحاسه بيك جدا، وربنا يطمنك عليها وعلى عيلتك كلها، وأتمنى ليكم يارب كل حاجة حلوة كلكم أنت وعائلتك المصونة”.
وأضافت الفنانة: “آسفة لو كنت حادة في ردي على بوست ابنتك الفنانة اللي ما دام حبيتها من صغري، وكنت طول عمري بحب رقتها وشكلها الجميل ونقائها.. ولا زلت أتمنى لها كل خير يارب.. ربنا يسعدها ويهديها للأصلح لها ولأولادها اللهم آمين”.
سبب انفعال راندا البحيري على الجمهور
حلا شيحة تتلقى رسالة نارية من راندا البحيري: “انتي عاوزه توقعي تامر حسني.. التدين مش كدا”
وجهت النجمة راندا البحيري، رسالة نارية للفنانة حلا شيحة وذلك بعدما هاجمت الفنان تامر حسني، عبر حسابها الرسمي بموقع التواصل الاجتماعي “فيسبوك”.
وانتقدت راندا تصرف حلا شيحة، وتعليقها على مشاهدها في فيلم “مش أنا”، حيث قالت:”هو محدش قال لحلا إن باب التوبة مش موجود على الإنستجرام؟، هو برضه اللي مضطرب؟ لالالا، والله كانت صعبانة عليّ في الأول، بس كده صعب أوي حد ياخد بقي منها الموبايل بسرعة”.
وسخرت “البحيري” من “شيحة”، معلقة:”فتاتي إزاي تكوني داعية بمنتهى السهولة وتنصحي زمايلك وتنتقديهم في يوم وليلة؟”.
وواصلت الهجوم:”عريس وطرحة اتنين متر وفرح، بس بقى من تاني يوم حضرتك تقدري كده تبقي رئيسة مجلس إدارة العالم وتقولي مين هيدخل الجنة ومين لاء، ده بتقولك إحنا بمقايس ربنا لم و(لن) ننجح والعياذ بالله إن شاء الله إنتِ”.
وأردفت:”هو محدش فهمها إن اللي بتعمله ده ممكن يعرضها للمسائلة القانونية وإنها بتضر بسمعة فيلم وبالتالي إيراداته؟ وبتتكلم عن ممثل ونجم بحجم تامر حسني بالشكل ده أكنها أحسن منه، واحنا كلنا عارفين الخير اللي بيعمله تامر طول عمره في الخفا وفي العلن على إيدينا كلنا، فضله على ناس كتير أوي و ربنا جعله سبب لفتح بيوت أد كده، تقوم دي تنصحه؟ لا والله هم يضحك”.