استذكر الفنان رامي صبري شقيقه كريم المتوفي العام الماضي، بعبارات مؤلمة، ونشر صورة لأخيه عبر حسابه الخاص بموقع التواصل الاجتماعي «فيسبوك».
وقال: «أخي الغالي، ذي انهارده تلقيت الخبر الصادم وهو خبر وفاتك . يوم من اسوء ايام حياتي بجد .. وحشتنا يا كريم يا طيب . اه بغني وبشتغل لكن مش مبسوط .. في حاجه مهمه دايما ناقصه . دايما ببص ورايا علشان اشوفك مش بلاقيك ذي ماكنت دايما معانا . فاكرك وكل يوم بدعيلك كل ما بفتكرك يا طيب . انا مقصرتش معاك والله . بس هو ربنا عايز كده . واقصي ما يمكن ان يفعله انسان هو تنفيذ اراده الله، ربنا يرحمه يا غالي ويصبرنا ويصبر امي».
رامي صبري: كنت اتمنى كريم أخويا يكون موجود
وعلى صعيد آخر أعرب المطرب رامي صبري، عن اشتياقه الشديد لشقيقه الراحل كريم، موجهًا نصيحة لكل شاب بأن يبعد عن أصحاب السوء.
وقال رامي خلال لقاءه مع الإعلامية منى الشاذلي ببرنامجها “معكم”، المذاع عبر فضائية cbc: “كنت اتمنى ان كريم اخويا يكون معايا وعايش معايا طول الحياة، وميكونش ميت، وربنا يصبر امي واهلي، لكن الحمد لله ربنا عاوز كده”.
وأردف: “بنصح أي شاب أنه يركز في شغله وحياته، ويبعد عن الصاحب السوء، ودايما اشتغل على نفسك”.
View this post on Instagram