دينا الشربيني تكشف أثناء لقائها ببرنامج «حبر سري»، مع المذيعة أسما إبراهيم، على قناة القاهرة والناس: «مش فاهمة فعلا الأغنية ليا ولا مش ليا، وأنا دينا مقدرش أتكلم نيابة عن حد، وعمرو دياب راجل عظيم بحبه جدًا واحترمه جدا، وبحاول طول الوقت أبقى أنا».
كما أخبرت أنها إذا ارتبطت بشخص وقرر اختيار أغنية «أجمل عيون» برج الحوت لها فهذا سوف يسعدها، قائلة: «لو مرتبطة بحد وحصل كده مش هزعل، بالنسبة إلي أنا في الفترة الحالية لازم أفكر أكثر في شغلي والحب ملوش خطة».
وعن مواصفات فتى احلامها، قالت: “أنا مواصفاتي في اللي عايزة ارتبط به يكون بيراعي ربنا ودمه خفيف وحنين على أهله وبحب الراجل اللي مش بيحب النكد”.
دينا الشربيني: الترند عمل “هوس” وناس بتدفع فلوس عشان تتشتم وتشتهر بالكذب
وأكملت أنها لا ترغب في تصدر الترند، وعندها علم أن الترند ليس دليل على التفوق، فقالت: “مش بيفرق معايا الترند أكيد بيفرق مع أشخاص تانية لكن مبفرقش معايا، الترند عموما مش مقياس للنجاح، فيه شخص من اللي ماسكين ليا مواقع التواصل الاجتماعي قالي أن في ناس بتدفع فلوس عشان تشتم وتطلع ترند”.
وعبرت الفنانة دينا الشربيني، خلال حوارها ببرنامج “حبر سري”، مع الاعلامية اسما ابراهيم، على قناة القاهرة والناس، عن استغرابها بفكرة البحث عن الترند بهذه الطرق الغريبة، مضيفة: “حاجة غريبة انك تدفع فلوس عشان تشتري كذبة وتطلع ترند”، مؤكدة أنها لم تلجأ خلال مشوارها إلى الواسطة.
وأشارت الفنانة دينا الشربيني، إلى أنها لا تدعم الزواج القائم على فكرة المال فقط دون حب، قائلة: “الست اللي تتجوز من غير حب عشان الفلوس ست مش ذكية، لان الفلوس ساعات بتبوظ وده مش معناه ان الفلوس مش مهمة ولكن الحب أحلى حاجة”.