علق الفنان دياب على قرار نقابة المهن الموسيقية التي أصدرته بعد أزمة رضا البحراوي وحسن شاكوش وكان هذا القرار هو منع مطربي المهرجات والأغاني الشعبي الغناء بـ الفلاشة.
دياب عن منع الغنى بالفلاشة
وصرح خلال حواره مع الإعلامي عمرو أديب في برنامج الحكاية الذي يعرض من الجمعة إلى الاثنين في تمام الساعة 10 مساءً عبر قناة “ام بي سي مصر” الفضائية، قائلاً: “طبعا قرار عظيم عشان حرام الموسيقيين قاعدين في البيت مبيشتغلوش. أنا دلوقت كمطرب على الأقل يبقى معايا 8 موسيقيين عشان الناس تاكل عيش الأول كان الموسيقي مثلا شغال مع سين من الناس، وعدد الأفراح كان كبير قبل وجود الـ دي جي، هتعمل فرح لابنك هتجيب 5 فقرات، كل الناس بتشتغل”.
وتابع قائلاً: “دلوقتي الشغل قل جدا، فكمان الناس حتطلع تغني بفلاشة حرام، خلي الموسيقيين تشتغل، وخلي اللي بيعرف يغني يغني، واللي مبيعرفش يغني يشوفله شغلانة شريفة”.
دياب عن أغاني الراب والمهرجانات
وأضاف قائلاً: “انا ضد أغاني الراب والمهرجانات وعدواني جدا بسبب ان الإطار مش بيبقى حول ان صاحب غدر بصاحبه والكلام ده لا في أغاني أنا هعورك وأنا حملة وأنا دولة والكلام كله بيبقى رايح لـ سكة ان في خناقة بتحصل”.
وتابع قائلاً: “مش هتلاقي حد بيتكلم انا صاحبي جدع، كلهم فجأة بقى صجابهم خاينين ومفيش حد بيقول حبيبته كويسة لا خاينة برضة، وعشان بس مظلمش حد الكلام كله بيبقى لما عدواني او نرجسي انا اجمد واحد وانا اللي هبوظ وشكوا وانا اللي هحط عليكوا ما هو ده مش كلام يتغنى حرام عشان الأطفال”.