أعرب الفنان دياب عن أسباب عدوانية ضد أغاني الراب وأغاني المهرجانات، وكشف عن وجهت نظره اتجاة هذة الأغاني، وكلماتها.
دياب عن أغاني الراب والمهرجانات
وصرح خلال حواره مع الإعلامي عمرو أديب، في برنامج الحكاية الذي يعرض من الجمعة إلى الاثنين في تمام الساعة 10 مساءً عبر قناة “ام بي سي مصر” الفضائية قائلاً: “انا ضد أغاني الراب والمهرجانات وعدواني جدا بسبب ان الإطار مش بيبقى حول ان صاحب غدر بصاحبه والكلام ده لا في أغاني أنا هعورك وأنا حملة وأنا دولة والكلام كله بيبقى رايح لـ سكة ان في خناقة بتحصل”.
وتابع قائلاً: “مش هتلاقي حد بيتكلم انا صاحبي جدع، كلهم فجأة بقى صجابهم خاينين ومفيش حد بيقول حبيبته كويسة لا خاينة برضة، وعشان بس مظلمش حد الكلام كله بيبقى لما عدواني او نرجسي انا اجمد واحد وانا اللي هبوظ وشكوا وانا اللي هحط عليكوا ما هو ده مش كلام يتغنى حرام عشان الأطفال”.
دياب يكشف لـ عمرو أديب الفرق بين المهرجانات والغنى الشعبي
وكشف قائلاً: “الخط الفاصل بين المهرجانات والغنى الشعبي هو خط كبير جدا ومفيش حاجة اسمها غنى مهرجانات المهرجانات ديه نوع من انواع الموسيقى وظهر في المجتمع المصري خلال الـ 15 سنة الأخيرة وانتشر بتوسع ولا ينتمي للاغنية الشعبي”.
وأضاف قائلاً: “لان الغنى الشعبي احنا اتربينا عليه من ايام محمد قنديل والاستاذ محمد رشدي واللي طلع بعدهم عدوية وبهاء سلطان وحكيم وواحد زي وواحد زي مصطفى حجاج والليثي وهو ده الامتداد للأغاني الشعبية”.
وأوضح ان المهرجان هي مجرد نوع من اوان الموسيقى قائلاً: “انما المهرجانات نوع موسيقى والفرق ان اللي بيغني شعبي لازم يكون بيغني حلو اوي ومفهوش هزار ولازم صوته يملى كل حواسك من اول ودنك لحد قلبك انما المهرجانات اللي بيغني مش بيبقى ودنه نضيفة”.