روت دكتورة تدعى إسراء السعيد تفاصيل مشاجراتها مع شقيقيها بسبب الميراث، وأوضحت انها الواقعة حدثت على الطريق السريع بالمنصورة.
وكشفت خلال مداخلة هاتفيه مع الإعلامي عمرو أديب ببرنامج الحكاية الذي يعرض عبر قناة ام بي سي مصر الفضائية، قائلة: “اللي حصل ان مش اول مرة يحصل ده وعلى طول يعتدوا عليا بالضرب وبقالهم 7 سنين بيعملوا كده عشان الميراث وعايزين ياخدوا الميراث وديما عايزين يطلعوني في الصورة مش كويسة ويبوظوا سمعتي عشان اتنزلهم عن ميراثي”.
وأضافت خلال المداخلة تفاصيل ما حدث معه والذي ظهر في الفيديو المتداول عبر مواقع التواصل الاجتماعي قائلة: ” اخويا قالي تعالي هعملك توكيل بالتنازل بحقي وهياخد مني وصولات الامانة اللي انا واخداها عشان اضمن حقي ودول اخواتي من ابويا وامي وانا اللي مربياهم وابويا وامي متوفيين واحد كان عنده 5 سنين والتاني 13 سنة وانا اللي ربتهم وهما عشان شايفين ان البنت مش بتورث عايزين ياخدوا حقي”.
وأشارت قائلة: “انا لما صدقت وصدقته وقالي في عربية هتاخدنا تعالي وركبت معاه لاقيته مشي على طول وقولتله الشهر العقاري اهو قالي لا هنروح اللي هو على طريق المنصور عشان صاحبه هناك وكده قولتله ماشي ولما قولتله استنى هشوف التوكيلات لاقيت فيها شخبطة واتأكدت انه عملي توكيلات بايظة”.
وتابعت قائلة:” اول لما طلعنا على الطريق قال انه عايز ينزل يعمل حمام من ونزل وفتح الشنطة وراح صاحبه جيه فتح باب العربية واخويا فتح الباب التاني وضربوني واعتدوا عليا ولاقيت اخويا بيقلعني في الشارع وصاحبه هيغتصبني واخويا فتح التليفون وعايز يصوريني وقعدت اصوت لحد ما الناس اتلمت وانقذوني منهم”.