حلت الفنانة هنادي مهنا ضيفة ببرنامج “معكم منى الشاذلي”، الذي تقدمه الإعلامية منى الشاذلي عبر شاشة قناة cbc، وتحدثت هنادي مهنا عن أبرز أعمالها الفنية، وأبرز الأسرار في حياتها الشخصية.
أبرز تصريحات هنادي مهنا
وحصد لكم موقع “أوان مصر” في السطور التالية أبرز تصريحات هنادي مهنا ببرنامج “معكم منى الشاذلي”.
هنادي مهنا تتحدث عن نجاح حكاية “بدون ضمان”
كشفت الفنانة هنادي مهنا عن أكثر الحلقات التي حصلت على اعلى تفاعل في حكاية “بدون ضمان” من حكايات مسلسل إلا انا، كما اوضحت كواليس شخصيتها في الحكاية.
وصرحت مهنا قائلة: “في حاجة خضتني جدا من ردود الافعال وفي بنت بعتتالي انها كانت في نفس المشكلة ومكنتش عارفة تعمل ايه وقالتلي انتي عملتي كده ازاي وقالتلي كمان انها مطلقة من سنة 2018”.
وأضافت بعد تجربتها في المسلسل ان الأهل دائما على حق قائلة: “الاهل ديما بيقوله اسمعوا كلامنا احنا مش بنعمل ده بس فعلا احساسهم وكلامهم بيطلعوا صح جدا، مثلا لما الام تقول لبنتها ابعتي عند ديه هي فعلا بيبقى معاها حق بس احنا بنحب تخوض التجربة”.
هنادي مهنا تكشف عن أصعب المشاهد في حكاية “بدون ضمان”
أوضحت الفنانة هنادي مهنا، كواليس حكاية بدون ضمان وأصعب المشاهد التي قابلتها في الحكاية، وكشفت ردود أفعال الجمهور، انه لا يوجد حلقة معينة تفاعل معها، بل كان متفاعل مع جميع الحلقات.
وأشارت مهنا قائلة: “مفيش حلقة معينة هو كله الناس كانت متفاعلة مع الحكاية عمتاً واكتر مشهد علق مع الناس في الحلقة الرابعة والخامسة مشهد مريم وهي بتعترف لاهلها بكل حاجة حصلتلها وكانت مداريها”.
كما كشفت عن أصعب مشهد وهو المواجهة التي كانت بينها وبين إسلام جمال، عندما اكتشفت خيانته لها قائلة: ” الحتة اللي مفهاش بقى لما اكتشفت فيها انه بيخونها واكتشفت انها مش واحده ولا اتنين لا لاقيتهم كتير اوي وكان في ولاء ديه بقى انت بتحكيلها مشاكلنا ومين فينا اللي صالح التاني ديه بقى جابت معايا من الاخر”
خسيت 50 كيلو.. هنادي مهنا تكشف الوصفة السحرية لـ خسارة الوزن
روت الفنانة الشابة هنادي مهنا، كيف خسرت وزنها، في وقت محدود، كما أكدت ان هذا كان وزنها قبل ان ترجع إلى مصر.
وصرحت هنادي قائلة: “انا اختفيت من شهر 12 لحد 7 والناس قلقت واتخضيت عليا”.
وتابعت قائلة: “وانا برا مصر كان وزني كده بس لا رجعت مصر لا كلت وازاي الاقي محشي ومسقعة والاكل ده ومكلش وعملت كل حاجة بتتعمل عشان اخس واكتئبت جدا وكنت بعمل تمارين غلط واتخنت اكتر، والحمدلله خسيت، وكنت بلجأ لنظام غذائية واشياء اخرى تخصني”.
هنادي مهنا: بفكر أقدم أعمال غنائية
كشفت الفنانة الشابة هنادي مهنا عن أعمالها القادمة، وتفكر في الاتجاه إلى مجال الغنى، كما أشادت بأبطال فيلم تماسيح النيل.
روت هنادي مهنا قائلة: “عند فيلم تماسيح النيل قريب هينزل وبحبه جدا وده اول بطولة نسائية ومن بطولة حمدي المرغني ومحمد ثروت وخالد الصاوي ربنا يشفيه”.
وأضافت قائلة: “انا مش عارفة هينزل امته، وميزة الفيلم ده انه كوميدي وفي دراما، وحاجات حلوة اوي، وحمدي ومصطفى خاطر بجد شطار جدا جدا وهما قد ايه بيعرفوا زي ما بيضحكونا وقدرين يعيطونا كمان وفي ابداع”.