علق خالد عيد المدير الفني لفريق غزل المحلة على فوز فريقه على الأهلي في المباراة الماضية بهدف نظيف، ومن قبل على الزمالك بهدفين مقابل هدف.
وأضاف: “لم أتوقع فوز المحلة على الاهلى والزمالك ولكنى تعاقدت مع لاعبين “جعانة كورة” ودايما بشوف لاعبى الدرجة الثانية مواهب كبيرة تستحق نظرة”.
وتابع المدير الفنى لغزل المحلة :” بعض الناس بتقول هدف فوز المحلة على الاهلى مش فاول طب ازاى ياجماعة ، اى حكم بيحكم مباراة للأهلى أو الزمالك بيكون عليه ضغوط كبيرة خايف يغلط ويتخذ قرار بعدم تحكيمه للقطبين مجدداً”.
وأكمل خالد عيد:”لما شوفت الاستوديو التحكيمى لما روحت فوجئت بكلام أحمد الشناوى ، عايز بس يطلع الاهلى مظلوم أمام جماهيره ، محاولش حتى يستعرض حالات المحلة وأن لينا مثلا ركلة جزاء مليون فى المائة ضد محمد الشناوى والولد قالى بعد الماتش “أقسم بالله خبط رجلى فيها”.
وأردف المدير الفنى للفلاحين ” لعبة محمد هانى تستحق ركلة جزاء بالامانة تحتسب وقولت للاعب بعد الماتش اوعى تعملها تانى فيها تهور ولازم تكون هادى فى الحتة دى من الملعب ، وللامانة محمد فتح الله لايستحق الطرد ده كان ممكن يلحق الكرة ويخرجها”.
وأضاف مدرب غزل المحلة “فى شوطة جت فى إيد ياسر ابراهيم ولم تحتسب لمسة يد ولم تعاد فى التليفزيون أساسا، وكمان كوع وليد سليمان يستحق الطرد والحكم كان واقف وشايف الاثنين ، ومسكت قلبى فى أخر كورة قولت هيحسبها ركلة جزاء”.
اقرأ ايضا: