استغاثت فتاة التيك توك حنين حسام بالرئيس عبدالفتاح السيسي بعد إصدار الحكم عليها بالسجن المشدد 10 سنوات غياباً، في اتهامها بالاتجار بالبشر.
ونشرت حنين فيديو عبر صفحتها بموقع التواصل الاجتماعي “إنستجرام”، ويعتبر هذا أول ظهور لها بعد إصدار الحكم وكشفت في الفيديو قائلة: “ان لله وان إليه راجعون الواحد لما بتجيله مصيبة مينفعش يقول اشمعنا وليه حصلي انا كده بيقول الحمدلله وبدعي ربنا”.
ووجهت رسالة إلى الرئيس عبدالفتاح السيسي قائلة: “انا بوجه رسالة للرئيس عبدالفتاح السيسي في بداية الكلام هسأل سؤال انا عملت ايه عشان اخد 10 سنين مشدد، ولما اتحبست 10 شهور متكلمتش ومقولتش انا اتظلمت وبحمد ربنا عايزين تحبسوني تاني ليه”.
وأضافت قائلة:” واهم من الناس تكون فهمه عايزة الرئيس فاهم ايه اللي حصل مع حنين حسام من يوم 18/4/2020، مكنش طلعلي أمر بالضبط والاحضار، ولاقيتهم جايين البيت وخدوني ونزلت وروحت معاهم ل مكتب النائب العام لاقيته بيقولي انتي غلطانة قولتله غلطانة في ايه قالي الاستوري اللي انتي عملتي فيها اعلان وانا مش فاهمة حاجة والاعلان كان عن ابلكيشن Likee وكل البلوجرز على السوشيال ميديا بتعمل اعلانات لكل الابلكيشنز وانا معملتش حاجة غلط” على حد قولها .
وتابعت قائلة: “طب مدام شايفين ان الابلكيشن غلط وفي حاجة غلط ليه سايبينوا يتحمل في مصر ازاي بنت عندها 19 سنة تتاجر في البشر ليه يتوجهي تهمه زي ديه وعشان ايه اخد 10 سنين اذيت الدولة في ايه عشان كل ده واول تهمه خالص التحريض على الفسق والفجور وبعد كده غيروها وخلوها الاتجار بالبشر حد يقول انا خدت ايه من مين ومين الناس المتضررة مني مجوش ليه المحكمة ويقولوا اني ضريت حد او خدت حاجة من حد وتاجرت في حد”.
الجنايات: المشدد 10 سنوات لحنين حسام و6 سنوات لـ مودة الادهم