تحدثت الفنانة حنان مطاوع عن عاداتها خلال عيد الفطر المبارك، وذلك خلال حوارها في برنامج مساء دي إم سي، الذي يقدمه الإعلامي رامي رضوان.
وقالت حنان مطاوع: بنتي بقيت كل حاجة دلوقتي، لبس العيد بقى ليها والعيدية، أنا قبل ما أخلف أماليا كنت لازم أخد العيدية من مامتي وخالتي الله يرحمها ومن جوزي، ولو عشرين جنيه أنا راضية، وبحس أني صغيرة وبكدب على نفسي ومصدقاها، بس دلوقتي خلاص بقيت أنا اللي بدي العيدية، وبجيب ليها بمب وبنفرقع أنا وهي.
وفي سياق أخر، تحدثت حنان مطاوع عن تفاصيل شخصيتها في مسلسل وعود سخية، قائلة: هي متعبة ومهلكة بس ممتعة جدا لأنها ملهاش أي علاقة بيا، بس كان فيها تحديات وتغيرات كتير وصراعات، واللي أنا حبيته فيها أنها عندها صراعات بين الخير والشر حية أوي جواها، وهي شخصية شرسة، ولما اتظلمت ظلمت.
مسلسل وعود سخية
يشارك في بطولة مسلسل وعود سخية عدد كبير من نجوم الفن، أبرزهم حنان مطاوع، محمد رضوان، سلوى خطاب، نور محمود، أحمد كشك، أحمد والي، وتيسير عبدالعزيز وجالا هشام وإسلام حافظ، والمسلسل من تأليف أحمد صبحي وإخراج أحمد حسن.